Asia DiningAsia Dining
OpenRice.com
香港

[切换城市]

重庆鸡公煲 Chicken Hot Pot ( 已结业 )

共 28 篇食评,正显示第 1 至 15 篇食评
列表形式列表形式   |  文章形式文章形式
以下是由香港站提供的食评
SemiCon
SemiCon

二人密密食

 2009-09-12
同男友仔放工谂唔到去边度食饭, 所以求其拣左佐敦. 男友仔话以前食过呢间D鸡煲好好食, 所以带我黎试下....
因为我唔太食得辣, 所以o系门口争扎左一轮, 终於鼓起勇气, 死就死啦~~~
我地坐二楼, 初初只有一两张枱有客, 见人地食得好尽兴, 不停点配菜, 我都开始放心点...见到有二人餐谂都唔谂就点了...

温馨二人餐. 就睇下有几温馨啦tongue
- 牛/鸡/骨/虾煲(特大煲) 任选其一
当然点左鸡煲啦, 话晒呢度系食鸡, 加上我地只有两个人, 又试唔到其他, 所以必叫招牌菜!
鸡煲有得拣小辣, 中辣或大辣, 其实我唔多食得辣, o系无得拣唔辣既情况下, 唯有拣小辣.
主菜果然系主菜, 最迟先上枱, 但一上枱, 我俩都俾佢吸引住, 好心急想试下, 因为个样的确好似好好食, 同埋真系好香!! 可惜个炉火力太弱, 等左好耐, 男友仔问问伙计先知, 原来本来d鸡已经食得....我地好大乡理呢, 仲傻傻咁等. tongue
d鸡肉都几滑, 小小辣, 有少少麻辣既感觉, 中间加左蒜头钓味, 唔错. 本身个汁都几味几浓, 捞饭一流! 愈食觉得d鸡肉愈多, 其实两个人一个特大煲份量真系太多. 一路食开始觉得食到闷. 我谂个煲里有成只鸡呢! 送饭系唔错既配搭, 如果只食鸡, 就太浓味了. 所以中间加左一d素菜来中和一下系唔错既配搭!
- 精美小食一客
我地点左卤水鸡翼, 最先上枱, 因为肚饿关系, 所以好快食晒. 不过鸡翼只有外面少少卤水汁既味, 里面一d味都无. 所以都几麻麻.
- 涮菜精选一客
点左雪花肥牛, 打边炉不能缺少的一个项目! 加上辣汁, 味道唔错, 牛肉份量都唔少, 而且肉质几淋, 食鸡食得多, 食几片肥牛味道更佳.. (因为太多鸡好闷嘛...tongue). 加上个煲d汁去到中段开始愈来愈杰同浓味, 所以食落肥牛d汁更入味, 更正!
- 饮料二罐或啤酒一支
要了两罐汽水. 降温最岩!lol
- 8元以下素菜四份
8蚊以上既素菜要补差价, 都ok啦.
云吞: 细细粒, 容易食, 不过个人觉得用黎食呢个鸡煲味道一般
豆腐卜: 选择正确, 因为豆腐卜可以吸汁, 一啖食落去时, 成旧豆腐卜都系汁, 好好味呢!
芋丝: 又系正确既选择, 虽然芋丝唔似豆腐卜吸汁, 但正因为佢本身无味, 当佢溶入鸡煲里面时, 可以食到鸡味同好浓味既汁呢!
脆肉瓜: 呢个应该系一个错误既选择. 唔知系本身d脆肉瓜唔靓定加埋d汁唔好食. 食落有苦味, 本来应有既鲜甜品完全无晒. 好失望!
- 丝苗白饭二位
绝配, 因为无饭斋食鸡煲d味道会过份浓烈. 有饭就岩岩好!
食饱仲有成四份一鸡煲剩, 其实唔系真系好饱, 只系食到唔想食. 如果个煲细少少应该会唔错. 服务就不过不失, 始终得一个伙计负责全层, 有时难免会手忙脚乱. 到我地差唔多食完先帮我地加水.....
一张close up!

卤水鸡翼

雪花肥牛

鸡煲唔错!









用餐日期: 2009-09-04        
人均消费: ¥ 100 (晚餐)
评分: 味道 3   环境 3   服务 3   卫生 3   实惠 3
搵食能手
搵食能手

微辣鸡公煲

 2009-07-05
在三希楼辣得不尽庆,心想起一直想尝试的重庆鸡公煲,曾有多间分店的鸡公煲,现在只有楼高两层的佐敦店硕果仅存,每晚由六点营业至凌晨零时,短短六句钟究竟能否维皮呢?店舖的环境是彻底的大陆化,餐牌上的全是简化字,而自选火窝配料都放在雪柜内,顾客可自行拿取,但卖相相当市井,食材也毫不新鲜似的。

一行五人也不用细想,要了一个约四百元的四人餐,一次过吃尽镇店之宝鸡公煲恐龙骨煲牛魔王煲,连同一些平价火锅配料、白饭、汽水等,场颇为丰富。这里的特色是先将主要材料吃掉後,店员再在煲内放作火窝用,理论上是可以的,但实际上煲仔并不是以 gas 炉或电子炉加热,而是只靠那微弱的火种,要等汤底翻滚吗?相信也要等七百年後吧...

镇店之宝鸡公煲,主要以青椒、洋葱、蒜头等香料爆香鸡粒,味道十分惹味,惜鸡粒的份量不多,中辣级数也略嫌不够辣,但将刚烤好的鸡粒放入口,倒算是一种享受。至於另一道恐龙骨煲,所谓的恐龙骨当然不是来自绝种的史前生物,而是极大件的汁烧猪肋骨,加入香葱、萝卜丝後卖相变得花巧,可惜汤底久久没有反应,火力实在是太弱了,而猪肋骨的肉质不太鲜不太嫩,入口有点韧,只可算是平平而已。最後的牛魔皇煲,材料多得惊人,有牛丸、牛柏叶、牛腩、牛筋等,再加入薯仔、红萝卜等配菜,但大部份材料都只得低下的质素,「不新鲜」及「将价比货」两个感觉一直在我脑内繁绕不休,这想法更可在配料的差劲质素中得到支持。所谓的肥牛及羊肉,颜色暗哑,难道是「即将到期」吗? 肉质相当松散,没有牛味或羊羶味不打紧,没有异味已经要还神了;再看看那碟白菜仔、秀珍菇、豆卜,雪味奇重,不知放在雪柜多久了,加上一客入口软淋淋的红薯粉,食友们实有点冲动跑到邻近的云贵川沟货啷啷口。

三个煲仔中,只有鸡公煲的味道是勉强可以的,其他尽是虚有其表的东西,如想顺道来个火锅,更会被微弱火力气死,店方以为能一物二用,到头来却是两头不对岸;食材用料不新鲜更是死症,价钱虽不贵,但难以令人有一丝满足,质素如此不济,这个喊面是走不掉的了。

最後,沟货是必需的了,一於向庙街出发,目的地是明记鸡什粥!
鸡公煲尚算惹味

恐龙骨煲空有卖相

火力奇弱

牛魔王仅仅合格

火窝配料不太新鲜

卖相奇差小白菜

肥牛、羊肉毫不可取

比肯XX更好吃,好一个自我安慰

推介菜式: 唯一可取鸡公煲
人均消费: ¥ 90 (晚餐)
评分: 味道 2   环境 2   服务 3   卫生 2   实惠 2
pandamen
pandamen

热潮过後

 2009-06-07
曾几何时几多人甘心夏天晚上滴住汗在湾仔街头排一、两个小时队,只不遇是为了食一个几十蚊嘅鸡煲同十蚊八蚊碟嘅平价火煱料?生意好得九龙新界也有分店,几年下来现在只剩下佐敦这一家,是经营手法问题定食物质素下降?要试过至知!
星期六晚上七点半到达,楼下坐了十人左右,侍应姐姐带了我们二人到楼上,包场状态!食到八点半才多几个客.
点了一个特大加辣鸡煲,七碟火煱料及饮品
鸡煲----打开煲盖已闻到独有的香味!辣味普通,鸡件非常入味及肉质嫩滑!其实鸡肉是有改良过的,每件的Size比以前大,不像以往的细件及多碎骨.极速食完鸡肉开始加食火煱.
一样是用那款酒精炉,即系大火极都有排先滚得起果只!侍应姐姐见煲汤滚极唔起主动提议攞去厨房加热,抵赞!火煱的配料无甚特别不值一提.
食物OK,服务OK,但星期六晚上这样的场......真是新鲜感过後无以为继?












人均消费: ¥ 100 (晚餐)
评分: 味道 3   环境 3   服务 4   卫生 3   实惠 4
太公
太公

太公食鸡公...煲!

 2009-05-14
自从湾仔和旺角分店相继关门後,太公老是嚷着要来这仅余分店支持一下;不过,嚷了一整个冬天,还是未有付诸行动;终於在本年气温初升穿摄氏30度的这天,前来打边炉。

九时抵达,冷清得有点吓人;明明店舖有两层,上层已没有开放,下层连我们也只有三枱客,真教人担心他的命运。

不管了,先要了个大鸡公煲;这儿的鸡公煲分三个size: 中、大和特大,没有小的;两个人,除非是大胃王,否则要个大的就可以了 (虽然侍应会推介特大煲)。

上桌时,满满的一煲都是鸡,真丰富 - 虽云打边炉,但这儿的鸡公煲(其他煲亦然)吃法是,先吃完鸡公煲,再着侍应加,然後点/拿配料打边炉。

所以,第一步,就是要吃鸡煲了!鸡煲内除了鸡,还有洋葱、水芹、蒜头、青椒等配料,加上小辣的酱汁与鸡同煮,非常惹味。也许是生意差了,煲内的鸡比以前的肥,肉也较肥美鲜嫩,比以往经常出现半煲是「瘦巴巴得棚骨」之现象,大有改善。因此,虽然价钱贵了,太公还是觉得它抵食依然。

因为鸡件够可口惹味,不消一会就被两名饿鬼消灭净尽;速速叫侍应加辣汤 (汤可选辣或不辣,侍应会提醒你的),就点 / 出自助柜拿菜;(柜内大多是蔬菜和淀粉质类,与点菜单会有部份重叠,建议去打个转才起笔点菜!)

根据过往经验,鸡煲味浓,因此与淀粉质食物最配合,我们这次要了薯粉和公仔面;另加了水芹菜、山根仔和三边腐竹。

要待打边炉方发现,汤底味道没以往那麽浓,可能是鸡煲本身的酱汁较少的关系,加了汤,就变淡了。与薯粉吃还好,薯粉放得较久也索得较多汤汁,而且爽滑依然,索了汤後味道很好,必吃之选。

公仔面则较一般;以往汤较浓,不用煮至劲淋已很入味,但现在汤较淡,煮得刚好时吃,根本没甚麽味道,要待煮淋时才有,不过效果也就较差。

山根仔 - 很可爱的小型山根,口感没有普通山根般充实,但胜在淋得够快,索汤的比率较多;放在这较淡的汤内效果竟比以往的好!

三边腐竹 - 很滑,不易煲烂,而且带有豆香,水准不俗。

水芹 - 很新鲜,份量也不少;而且与鸡煲之味很搭配 (别忘了鸡煲本身也有此材料!),是菜类之首选。

吃到最後,别忘了鸡煲内本有的蒜头;此时蒜头已经被煲烂,汲收了汤汁的精华,加上本身仍存有的淡淡蒜香,非常惊艳,特别是喜欢吃蒜者更不能错过。

吃如此浓味的食物,当然要啤一啤;最便宜的狮威才$15,以一家尚算「四正」的店家来说,不贵。不过狮威味道一般,下次还是要回青岛较好。

总的来说,此店食物质素实在不错,用料也够新鲜没有欺场,两个人饮饱食醉,合共才$160,实属抵食。也许是位置实在太不显眼,所以难有生客,只能靠熟客维持....也因此使店家环境更为「清幽」;不知可维持多久?若这家有诚意有特式的店家结业,也实在太可惜了!
先参考一下食鸡公煲流程

炉头

刚送上的鸡公煲

吃罢鸡肉,加了汤的煲

叮~! 自助食物柜!

细粒山根...口感特别

配料四重奏:薯粉/芹菜/腐竹/公仔面

煲@ different stages

用餐日期: 2009-05-13        
人均消费: ¥ 80 (晚餐)
评分: 味道 4   环境 3   服务 4   卫生 4   实惠 4
Kan Lee
Kan Lee

无特别喎!

 2009-03-28
记得好耐之前曾经到过湾仔想试重庆鸡公煲,点知去到原来已经执左,当时真系有d若有所失既感觉!最近发现佢番黎喇,见到 d 食评即刻流晒口水。

琴晚我地叫左最经典既鸡煲,选左中辣同中Size,另叫左白菜、油墨菜、萝卜、宽粉、腐竹同云耳做配菜。

一打开煲,有一阵阵香气飘出,但唔系好野味果种既香气。汁有味,但唔系好好味,亦唔觉野味,如果好辣既朋友相信要叫大辣。食到差唔多,可以加食配菜,汤有分唔辣同辣两种,我地要辣,我亦唔觉得辣,汤底亦无特别。

总括黎讲,唔食出有任何重庆特式,只系鸡肉较嫩滑唔肥,经多次翻滚都好滑。但相比晌国内食既辣鸡煲果种独特既野味及香气就逊色好多。

P.S. 交通:佐敦地铁站B2出口,直行转左,一路直行见到左手边全都系横街,直至见到横街茂林街转入,即太平馆既对面。

Kan Lee sad

28/3/2009

推介菜式: 宽粉
用餐日期: 2009-03-27        
人均消费: ¥ 84 (晚餐)
评分: 味道 2   环境 2   服务 3   卫生 3   实惠 4
唔食都知唔好食
唔食都知唔好食

记久远的食感 ─ 1

 2009-03-10

赫见湾仔的分店真的倒闭了,听闻其倒闭的原因是其老板是四川人,在上年的五月四川大地震要回家乡打点,所以关了其中两家分店,现只剩佐敦的这一家。

舗位小小,但放了至少七至八枱客,有几款煲选择,分别是牛魔王煲、辣虾煲及重庆鸡煲,第一次光顾,当然是选其招牌的重庆鸡煲,和女朋友来吃一个大的已很足够,然後还可放变成火锅餐。

大的重庆鸡煲份量也挺大的,就如之前食评的评语,味道好而鸡切得太细,其实正确一点说是它们采用的是很瘦的鸡吧!因为如果鸡是大只的,切得碎的效果是很多像鸡丁的肉粒的,但这儿的鸡件可见是普通连皮带骨有关节的,所以此煲也真是正宗得很,既然煲是川味的,其采用的鸡也是像大陆的一样了,到过内地的人会知我在说什麽,因为就连海南岛驰名的文昌鸡也是如此,瘦得可怜。

我好辣,女友怕辣,取中庸之道,叫了中辣,最後吃的也不太辣,但香料很多,有辣椒、芫茜、花椒及八角等,好香好入味,而因为鸡瘦的关系,更使它容易入味呢,以此煲轻易下了一碗白饭。

第二回合开始,加上薄薄的汤,味变得轻一点,没有之前的那麽浓烈了,但用来煮熟食物後同吃,已是足够有余,配料叫了一些蔬菜及一点点点心类如鱼肉烧卖、猪肉丸及日本鱼蛋等,材料是否一流的质素?绝对是普通不过的货色,但价钱真的是非常相宜,平均十元就有一样配料,还可要求什麽,最後也吃得很饱足。

关了一家又一家,在香港来说风味是很独特的,要吃趁早,找天天凉一点再去光顾一下也好。
大煲!

从雪柜取来统一放在碗中的火锅配料

推介菜式: 重庆鸡煲
人均消费: ¥ 100 (晚餐)
评分: 味道 4   环境 2   服务 3   卫生 3   实惠 5
骯家吶吶
骯家吶吶

香浓味美既鸡公煲

 2009-01-07
呢间鸡公煲来左好多次啦,每次吃完就一个字形容“爽”,其中招牌菜“鸡公煲"系一道重口味,令人一吃就难以忘怀既菜,同时结合了火锅长盛不衰既经营精华,又有吃左吾腻吾厌,同时俾人带来越吃越丰富既感受。
我地叫左个特大煲微辣既鸡煲.味道烧得好入味,D酱香味入晒D鸡骨头入。鸡肉仲系好嫩,一D都吾鞋.好送饭.配菜料也很足,味道吾系好辣。就算吾吃得辣既人都没问题.鸡肉吃完後,再叫选左几碟素菜,录来吃,就好似打边炉甘.素菜虽然量吾系好多,,不过胜在便宜tongue
推介菜式: 鸡公煲
人均消费: ¥ 50 (晚餐)
评分: 味道 5   环境 3   服务 4   卫生 4   实惠 4
BILLY
BILLY

特式重庆鸡公煲

 2009-01-02
bowlchopsticksmile
这是代爱吃朋友出的食评,我跟他经常交流饮食心得,近日他趁假日出动觅食,早两天他跟女友光顾了重庆鸡公煲,叫了一客招牌的鸡公煲

以下是他食完之後的评价:
座落於油蔴地横街之中,位置不太好找,被安排坐在楼上,客人数目不少,如人数不多又没有卡位的话,便可能要搭枱跟陌生人一起同枱,环境只是一般,服务也只是一般小店水平,不要要求太高。

食物方:
鸡公煲汁味道都唔错,上枱时香喷喷很吸引,.叫了小辣好够味, 食完可以煲中剩余的汤汁另加锅料打边炉,不过大部份锅料实在不侪,选择不及其它火锅店多,而且用料不太好及份量太细碟,例如廿五蚊一小碟的肥牛只有十小片,要叫多几味才够饱肚,锅料只有薯粉和菜叫做似样...!! 如果只吃鸡公煲,一般成年人都不够食。

总结来说这店的鸡公煲很有特色,但可惜整体味道只是普普通通,路经油蔴地的话一试无妨。

招牌鸡公煲

推介菜式: 招牌鸡公煲
人均消费: ¥ 100 (晚餐)
评分: 味道 3   环境 3   服务 3   卫生 3   实惠 3
楓楓

真抵食

 2008-12-28
牛肉,鸡肉、排骨煲等,以辣为主,闻到好香,不过我因为喉咙不适,所以点了以柱侯调味的
打开煲,都算唔少料,有牛腩、牛根、牛柏叶、牛丸、萝卜,每样几块,都算好丰富
但更正的是吃完整个煲後,可以再加其他配料,以煲底的汁继续打边炉
虽然配料选择不会像其他火煱店般多,但基本如菜(有油麦菜、生菜、白菜)、墨鱼丸、芋丝、筋,南瓜、金菇、肥牛都有
由於有牛腩煲打底,所以只点了五样配料,包括薯粉丝,我会形容这为烟韧版的粉丝

食物是好味的,尤其是我想跟男朋友两口子打边炉,但光顾普通火煱店实吃不了很多东西,一人一炉的选择又不多,这里的确唔错

至於环境....有点街坊店格局,面积不大,装修简单,店员不多,但服务ok,叫加汤点火都无问题,只是人客一多就真的要等等,但一定会记得回来serve你﹐唔会好似大餐厅咁,要不断催催

当然,最重要是价钱真的好抵....
牛魔王热腾腾

推介菜式: 牛魔王
人均消费: ¥ 90 (晚餐)
评分: 味道 4   环境 2   服务 3   卫生 3   实惠 5
唔熟52

早知试反鸡煲,叫个餐会抵D.

 2008-11-27
2个人要左个特大恐龙骨煲...其实即系猪肋骨..有7-8件左右.
D猪肋骨食落系甜既,佢用BBQ酱整,
但系个底呢,个伙计话系冬荫功...我只系食到系酸辣啦..加埋个D猪肋骨既甜BBQ酱渗左入去..都唔知呢个汤底系甜定咸..

猪肋骨呢.系几软身既..不过真系太甜,2个人食8件真系食唔到
除左猪肋骨之外个煲咩都无...只系少少菇同劲多芽菜.咁就113蚊.
所以我地叫左个肥牛,25蚊份得个6块.唉...
旁边有个雪柜放火锅料既...我地拣左木耳同薯(粗)..都系8蚊一份..
味道都唔错既...
叫左2支大啤..埋单213

叫个餐会抵D.

不过有D後悔无食鸡煲...因为闻到隔离台好香呀..
比多次机会佢.下次试麻辣汤底既鸡煲,鸡唔系BBQ酱应该唔会怪味喇.
恐龙骨煲特大

食完个煲加汤火锅

人均消费: ¥ 107 (晚餐)
评分: 味道 2   环境 3   服务 3   卫生 3   实惠 3
vickywindy

好味~~

 2008-11-20
寻晚找算系佐敦食饭打边炉, 发玩左呢间鸡公煲!!

我地叫左个四人餐, 有三个煲, 每个煲入都有唔同既餸菜同辣度, 三种唔同的味道!!
野味, 但略为多油!!

当食到d 餸7788 的时侯, 就可以加点, 再放餸打边炉!!

好新鲜~~~shocked

另外值得推介既系自家制竹庶矛根水, 唔太甜, 好味!!
人均消费: ¥ 120 (晚餐)
评分: 味道 4   环境 3   服务 3   卫生 3   实惠 3
太公
太公

写黎support

 2008-11-11
其实我同我男朋友都好钟意食呢间鸡公煲 (仲有湾仔果间), 佢地个煲好味, d配料又唔错, 适合人少少咁黎食的。

之前太懒冇写,但惊见湾仔果间执笠, 趁此店未执,都系快d写返个食评support下。

我同我男朋友次次黎亲都食鸡公煲...无他, 因为我爱吃鸡;两个人的话, 我建议食大煲就够, 唔使要特大, 因为其实食太多会闷, 同埋d鸡都唔系算d靓既位 (如鸡肶), 所以叫特大, 意思唔大。不如悭钱悭肚黎食佢d餸。

食鸡食得七七八八就可以叫佢加食餸啦!!餸方,其实好多野食,放落个汤度都好好味的!佢有时会有d类似薯的野,推介!迷你山根又系推介!仲有一旧旧好似海绵咁既野,索左d汁又系超好味!如果未够饱,食埋个福面呀,索左d汁又系劲正呀!

(其他就悉随尊便啦,除左以上我系必食之外我其他就睇心情啦....)

一般黎讲,我地食完都系百零蚊左右可以落楼.....又好味又好玩的过程,其实好抵啦....
人均消费: ¥ 65 (晚餐)
评分: 味道 4   环境 4   服务 4   卫生 4   实惠 5
BeeGees123
BeeGees123

鸡煲!鸡公煲!

 2008-09-29
星期日晚,和朋友一行2人来到这里吃饭.2个男人叫了个温馨2人套餐tongue,要了中辣的鸡煲,再叫了4支啤酒,中辣的底不够劲sad,食物味道和质素以这价钱来说还可以,套餐的份量也很足,我们2个大食男人,点了套餐,都不用再加其他东西smile.只是太多师傅,饮了4支啤酒,走了以後要再去买东西喝,因实在太口乾了mad!
价钱还可以,味道ok,和男性朋友饮啤酒吹水的一个不错选择!会再来的lol
人均消费: ¥ 130 (晚餐)
评分: 味道 3   环境 2   服务 3   卫生 3   实惠 3
百力占

鸡公煲唔系最好食

 2008-03-20
听人讲话间铺好细~原来有两层ga~
7个人一开始叫左个6人set~
有3款小食,3个煲(1大2中),3个火煱料,10碟配料,6罐汽水,白饭
小食叫左薯条,饺子,鸡翼
薯条几好味~不过咸左d~ 饺子同鸡翼一般~

3个煲,本来系1大2中,但系个师傅整错左,变左2大1中~ 但系唔洗加钱~haha
鸡煲(大) 小辣---鸡肉斩得太碎, 好似冇乜肉食
牛魔王(大) 小辣---有牛腩牛丸牛根牛柏叶等~ 辣辣地~唔错~
恐龙骨(中) 唔辣---即系猪仔骨,3个煲之中e个最好~

火煱料and配料同一般打边炉差唔多~不过个煲个底唔知点解越食越辣~
Total $638
比起其他任食火锅~ 黎e度食仲好~
评分: 味道 4   环境 3   服务 3   卫生 3   实惠 3
加德
加德

可以仲好 d

 2008-03-06
听人讲得多,昨晚同男友经过,决定试下

因为男友不能吃辣,所以叫了个不辣的鸡公煲(大)

鸡肉炆得很香口,配啤酒非常正
其实吃一个煲都饱了大半,不过都想试埋打边

加满了骨後,再撇除了大半饭碗的油,才开始烚配料

汤底相当的咸,所以用来烚蔬菜比较好
我们选了猪肚菇、油麦菜、小棠菜、蕃薯等等素菜,都不贵而且几好味
反而$20 一碟急冻美国牛,份量小之余,配上浓汤也显得太油腻,不推介

全晚整个二楼十多台,只有一位阿姐负责招待
服务很缓慢,但见她又要落单又要添火又要出菜,我们都不好意思再催促

其实加多1-2 个店员就fit 了,这种成本实在省不得

通风设备一般,如果怕吃得满身鸡公气的话,就不要穿毛衣大褛去吃了

会再去试恐龙煲



人均消费: ¥ 100
评分: 味道 4   环境 3   服务 3   卫生 4   实惠 3
594,468680,927954,401 腾讯空间
3,636
开饭喇新浪微博 
Copyright © 1999-2014 深圳开饭喇信息科技有限公司 粤ICP备09165602号  粤B2-20090460
本站发布的所有内容,未经许可,不得转载 备案编号: 4401990100184

开饭喇客户端 Openrice手机版二维码 点击或扫描下载 意见反馈返回顶部