真系好好食，终于明白点解啲人成日北上食嘢。呢度嘅级数由环境到服务到食物质素摆盘都真系酒店级。烧鹅好出名，好似$98定$89 ，其实大陆人真系冇必要落嚟香港食烧鹅。。。皮好脆，个汁系上枱先淋落来，唔会整冧咗个皮。不过佢个叉烧唔好食，因为香港都食惯靓叉烧，呢个就真系比唔上香港普通舖头嘅叉烧，微伏。生蚝超级值得嗌，但系因为新店开张做紧折扣，唔知会做几耐，$12/只大过手掌。仲叫咗个猪油渣炒菜心，不过冇影相，朋友话好油，但我觉得超香，同埋好难得有猪油炒菜心。Overall食完无话好想饮水，相信科技与狠活唔多，晚市都仲有点心可以嗌，可惜实在太饱叫唔到，另外侍应好好咁送咗个双皮奶同豆腐花俾我哋，所以更加食唔落
唯有等下次再食…查看更多
唯有等下次再食…查看更多
