麦当劳

好耐无帮衬过M记啦，呢两日放假，搭铁前经过，于是就入去帮衬下啦。
M记嘅麦旋风嘅，虽然话实质上系雪糕+配料，不过我觉得雪糕嘅底子真系好软滑，呢个亦都系M记嘅一大特色同卖点啦。味道有几种，士多卑利味、奥利奥味同提拉米苏味我都几中意嘅，特别系奥利奥味，有饼干碎同雪糕一齐嘅软硬口感好正。
最近M记出左夜晚嘅特价套餐，价钱比起单点都要抵，不过觉得D汉堡包嘅分量无以前咁大咯，薯条亦都唔系好多，可能因为特价吧，三样野十几蚊都算系咁上下啦，唔会太便宜，但系比起一般化嘅饭餐来讲都系差唔多架啦。
我比较中意炭烧鸡腿堡同埋黑白堡，黑白堡系新品，比较特别，我中意黑色嘅，够cool够型够潮，而且味道唔错啊。