今期要推薦嘅係喺深圳開咗17年嘅本地品牌——順德公豬肚雞。順德公係深圳必吃嘅地標美食，同時獲得咗深圳猪肚鸡第1名等多種獎項！依家係深圳有18間門店，遍及羅湖、福田、南山、寶安，而且全部係直營門店，品質絕對有保證！



相信好多人對順德公都唔陌生，經典胡椒豬肚雞、非遺臘味煲仔飯已經係好多港人嘅摯愛，近期新品「肚包翅」更係人氣爆棚！秋冬來啦，係時候食豬肚雞滋補暖胃一下！今日就帶大家一起深入感受一下！

新廣式風格，舒適闊落




門店裝修採用新廣式風格，一入店乾淨闊落，木質搭配綠植，座位之間開闊，坐得好舒服。既可以感受到傳統廣式文化嘅韻味，又可以享受到現代舒適嘅用餐體驗。無論係同屋企人食飯定係同朋友聚會，呢度都係絕佳選擇。

明檔廚房全开放，新鮮睇得見



行到門口就睇到大湯桶現熬靚湯、明火現煲煲仔飯，新鮮食材睇得見，食得更加安心！

肚包翅：足足7兩魚翅，￥528就有勁豪華體驗

順德公近期新品「肚包翅」（7兩魚翅豬肚雞），￥528就可以享7兩魚翅+ 1隻豬肚+1隻雞，喺香港估計要過千蚊，性價比超高！成隻豬肚塞满足足7兩魚翅，真係未食都聞到陣鮮味！仲有成隻壹號土雞，足夠4-6人享用，一上菜就有專員推車服務，當面剪開肚包翅，儀式感滿分！濃湯搭配魚翅，鮮甜爽滑，加火腿絲吊味，鮮味瞬間爆發！



食完一碗魚翅湯就可以開食豬肚雞啦，同單點一份「經典胡椒豬肚雞」一樣足料，等於叫一個煲有兩種體驗。順德公豬肚雞嘅靈魂係湯，每次來至少都要飲3碗打底先夠喉！尤其一到秋冬季節，就會好想飲胡椒豬肚雞湯，暖胃又滋補！



順德公十幾年來，每日都堅持用靚雞、豬筒骨、金華火腿等等好食材，新鮮現熬，所以湯頭特別鮮濃。飲湯時建議再加 2圈海南紅土地白胡椒，啖湯更加鮮！胡椒味更加勁！飲完成個人都暖笠笠！



仲要再特別提下順德公嘅豬肚同雞。選用廣東名雞・壹號土雞，深山入面嘅運動雞，無激素，養足180日，雞皮翹，肉質更緊實，雞有雞味！豬肚亦都處理得好乾淨，厚實又爽口，每一啖都超滿足！

非遺臘味煲仔飯，承諾冇飯焦唔收錢！




煲仔飯係順德公嘅第二大招牌，亦都係豬肚雞嘅黃金搭檔，每次來都必點㗎！順德公嘅煲仔飯有好多種口味選擇，譬如沙蔥鮮牛肉煲仔飯、黑鬆露菌菇煲仔飯等等，但好多港人至愛都係「非遺臘味煲仔飯」，選用非遺廣式臘腸，酒香濃郁、肥瘦相宜，油脂香滲透米飯，口感油潤香滑。而且煲煲都有金黃脆口的「飯焦」，脆卜卜超級香！順德公仲承諾「冇飯焦唔收錢」！

涮菜小食個個都有驚喜

爬金山（順德鯪魚陳皮滑）：新鮮魚肉手打製作



食得金山，步步高升！順德名菜「爬金山」終於係深圳就可以食到啦，新鮮鯪魚肉手工製成，加入陳皮、海南紅土地白胡椒，淡淡嘅陳皮果香，味道好特別！搭配每日現熬靚湯，一啖魚肉，一啖湯，鮮到爆呀！

乳山現開靚生蠔：隻隻巴掌咁大



每日由產地直供到店，即點即開，一隻只要￥12 ，抵到不得了！而且隻隻巴掌咁大，隻隻都肥美厚實，靚湯涮鮮蠔，味道超鮮！

順德手工魚皮餃：新鮮魚肉做餃皮



食足幾年嘅招牌涮菜——順德手工魚皮餃，一定係推薦No.1。新鮮魚肉做餃皮，純手工乾製，咬開滿滿嘅魚肉，吸滿胡椒豬肚湯，口感超爽彈！

脆皮紅燒乳鴿：每日鮮烤，皮脆爆汁



冇錯，竟然喺順德公都可以食到紅燒乳鴿啦！每日新鮮出爐，脆皮爆汁滿分，食過返尋味！Ps. 乳鴿僅限車公廟總店、南山大道店、蓮塘店有售。

秋冬必吃豬肚雞，快啲來飲暖暖的胡椒豬肚雞湯啦！



餐廳名稱：順德公·豬肚雞（車公廟總店）
門店位置：深圳市福田區泰然四路泰然科技園210棟111號
交通攻略：地鐵1/9/11號線車公廟站D2出口步行310米
營業時間：11：00-24：00
預約電話：0755-83433123