十贯SUSHI JYUKAN (皇庭广场)

朋友帮我庆祝生日拣咗呢间阿妈家姐不过佢啲位真系好抢手要预早好多去排队第一次喺大陆食好紧张劲惊会肚疴点知我哋冇肚疴而且厨师超级好人我哋两个大人两个小朋友佢系咁免费整嘢食俾我哋啲小朋友最后仲整咗个寿司生日蛋糕俾我全程都好有礼貌食物质素好好而且全部都好好味呀前菜酸甜开胃鲍鱼完全不是重点重点系𠮶张超浓郁有啲似蟹膏嘅香气咁松露蒸蛋松露嘅味道充满成个口腔而且个蛋蒸得好滑仲免费送咗俾小朋友食小朋友个杯好贴心冇放松露落去刺身好新鲜而且仲有新鲜嘅Wasabi食Wasabi好香完全唔会过分攻鼻必食之选啲鹅肝劲好食再加埋拖罗好新鲜入口即溶提吓大家记得要加呢个鹅肝手卷去某平台打卡仲有得半价食呀感谢师傅嘅蛋糕山竹雪糕密瓜雪糕🍦两只口味嘅雪糕出面都好难食到但我想讲如果唔系食到好饱嘅话直头想食10球啊…查看更多

周末同男朋友北上消费🙈佢话要带我食omakase，系朋友食过觉得好味再推荐俾佢！虽然好少番大陆不过如果好食禁就去试下啦！ 😼🙌🏻因为十贯冇预约只可以拎飞，听佢朋友讲开铺11点半开铺前就已经有人排队拎飞，所以星期六一早谂住上去拎飞先，但都系迟左2点几先去到，店员话星期一至四午饭同晚饭时间师傅会落场，不过今日星期五六日加开左3:30时段，我地就好彩拎完飞行下商场就有位～^_^［小提示🔔］拎到飞后，如果你有WeChat 的话店员在有位前十分钟提醒你，咁就算等位期间行左去都唔洗惊啦😆店员俾我地既餐牌有两款omakase套餐一款海胆热狗set， 另一款和牛热狗set， 另外仲会俾埋单点menu😆单系两款set已经好难拣🙈 最后都系拣左海胆set！ 单完餐之后师傅有问我地有冇黎过？ 有冇咩唔食？ 了解完再为我地拣合适既食材做omakase🫢🫢前菜系帆立贝佐鱼子酱醋冻，啫喱质地既醋冻加上鱼子酱🤤🤤酸酸甜甜又唔腻作为前菜一流！ 之后第二道菜系黑松露茶碗蒸，唔好睇佢黑蚊蚊，蒸蛋上面铺满左厚厚既黑松露🤩 入面仲有巨型磨菇，虽然唔好黑松露味不过可能系因为蒸所以浸味唔算好浓加上肚饿都食得晒成碗茶碗蒸🙈钟意黑松露既朋友一定要黎试下呢道茶！第三道菜系我期待左好耐既矶煮鲍鱼配鲍鱼肝酱！ 食落都有咬口同味道较前两道淡味，不过整既过程无论系拣同煮既过程客人都可以望住，连摆盘用既装饰花师傅都好细心禁拣完再放上煮好既食材上面！值得一赞～👍🏻再黎系刺身三品，今次准备左鸟贝、剑鱼腩同金枪鱼三款，师傅请我地由味道最淡既鸟贝到油脂最多最浓味既金枪鱼顺次序食😆其中金枪鱼入口即化，非常推荐俾大家！跟住就系寿司七贯，大部份都系鱼生寿司分别系池鱼王，真鲷，左口鱼，章红鱼，金头鲷鱼，左口鱼裙边 （灸烧）同埋星鳗手卷。其中左口鱼味道鲜味，加埋可以炙烧🤤真系无得输呀！食完七款寿司之后其实已经6/7成饱，但跟住落嚟就到重头戏海胆热狗！ 师傅拎出两盒分别系大连同加拿大既海胆俾我地！男朋友同我即刻两眼发光🤩 海胆入口软滑即溶，带有啖啖的海水鲜味，唔腥！如果惊太饱可以同师傅讲少饭尾二一道系醋柚素面，淡淡柚香加上幼素面，非常解腻最后就系甜品啦！师傅拎咗两盒雪糕出来，系抹茶味同拖肥糖味，比较出色嘅系个抹茶味，食落好有京都抹茶嘅味道！今次既omakase好惊喜！ 鱼生非常新鲜，师傅会同我地倾计，同好乐意介绍唔同鱼有咩分别俾男朋友同我呢啲比较少食鱼既人听！最后问我地食唔食饱可以再整menu冇写既手卷俾我地，仲话最紧要我地食饱饱禁走🥺 有啲意料之外既食物质素同服务🙌🏻👍🏻…查看更多

一向唔敢喺大陆食 #鱼生刺身 🐟嘅我，今日胆粗粗跟埋班朋友 #北上 初尝 #Omakase 🍣 餐厅「十贯」舖面唔算太大，即使预早去攞位，都好可能要等上90分钟以上😅 不过为咗试新嘢，梗系要付出少少啦🤭今日我哋拣咗「海胆热狗Omakase」套餐，先上枱嘅系 #车海老佐鱼子酱醋冻、#机煮鲍鱼配肝酱 两道开胃菜，#醋冻 酸酸地好醒胃🤤 之后再嚟嘅有 #黑松露茶碗蒸，同埋 #吞拿鱼、#鲍鱼、#带子 刺身 配 #鹅肝蓉，软绵绵嘅鹅肝蓉入口就好似食紧啲咸味雪糕咁，口感好特别🤤 可惜佢哋嘅吞拿鱼肉嘅颜色似乎唔多吸引，无咗刺身鱼应有嘅光泽，不过入口都还可以嘅🤤之后七道 #寿司，除咗 #鱿鱼刺身，都系以白色鱼生刺身为主… 品质只可以话不过不失，冇特别惊喜😅 而成餐最吸晴当然系主角 #海胆热狗寿司 啦🤩 师傅建议我哋一啖摆晒入口，丰富嘅海胆入口即溶，感觉特别爽🤤 最后上枱嘅有 #冻稻庭乌冬、#蜜瓜雪芭，冰冰凉凉嘅口感，加上师傅特别送俾我哋嘅 #山竹雪糕球，未入口都已经够晒甜啦🤭🤭整体我觉得佢哋嘅服务都唔错，但系同正宗#Omakase 嘅精致度、品质以及安排就真系争咁啲🤤 不过以呢个价钱嘅讲，都系一个唔错嘅体验😉📍 十贯SUSHI JYUKAN（深圳）福田福华三路118号皇庭购物广场L2层19号商舖（深圳地铁 会展中心站上盖）…查看更多