外婆家 (京基百纳空间)

本来想去吃太二酸菜鱼，但真的太多人排队了，加上又肚子饿，就去食外婆家，依间店好耐前就好想去吃，但看到长龙排队就放弃了。今次可以去试下啦，两个人叫左四个𩠌，酸菜鱼，一看就知道用粉腌制，一团粉咁，一啲都唔好食，好似粉团。而鸡系入味既，好淋，一夹就会松开，味道系四个𩠌系面最好了，最最最难吃是糖醋里脊，无食过这么难食的糖醋里脊，一块块粉猪油，一咬落去即刻吐出来，拣左貌似瘦啲既两旧食都系一样难食，整碟放弃，真的太难吃了。难食到呕啊。唔会再去了。…查看更多

五六年没北上消费，今次姊妹带团上深圳，真系变左好多。 姊妹带我地黎外婆家午餐，话国家出名食府，深圳有好多分店。未到店门已经人头涌涌，个个等位，好在我地人多，等两张就到我地。餐牌都系一张A3张咁大张，餐式密密麻麻，食开班姊妹已经好快手咁落完单。外婆红烧肉本店镇店之选，半肥瘦腩肉，皮有少少脆，仲有咸鱼托底，配埋馒头，绝配。茶春鸡好特别菜式，捧餐过黎，店员会叫口号(唔系好听得明)，讲完要客人搞外壳。整理完就捧卑客人食，味道都唔错，好入味。…查看更多

先讲下中伏菜式，外婆红烧肉话就话系招牌菜，但系味道平凡，未到高水准，不过肉质系几软稔。蒜蓉粉丝虾，急冻虾，冇鲜味。小笼包，不过不失，价钱平，皮吾够薄，肉汁都多而且吾会好油，可以过下口瘾。蛋黄板栗南瓜，清甜晚南瓜带咸香既蛋黄，好惹味既小菜。…查看更多

讲到深圳高性价比中菜，外婆家绝对系数一数二！ 外婆家喺深圳有好多分店，大部分主要嘅大商场都有😆 每次远远见到外婆家招牌，未行到门口已经见到人头涌涌满满人龙！ 外婆家KKMall 分店用电子叫号等位嘅方式，门口准备咗好多凳俾等位嘅食客休息，非常贴心😆 一行入外婆家餐厅内，绝对感觉好有格调好新潮而唔系传统古色古香嘅中式餐厅设计！ 打开睇外婆家菜单，超多选择目不暇给！ 即刻介绍下我食咗嘅菜啦！ 1. 松子桂鱼松子桂鱼系炸过再淋上甜酸汁嘅原条桂鱼😄 面头放上配菜同虾仁🍤 鱼身炸脆啖啖肉好松化😋😋 但个甜酸汁太甜🧐 配菜有D普通，系冷藏青豆🤔 2. 外婆红烧肉外婆红烧肉系外婆家热门菜之一！ 红烧肉好入味松化！ 配馒头好夹！ 红烧肉汁捞饭都好啱😆😆 3. 想吃土豆去内地最常见嘅菜式之一离不开炸薯块！ 椒盐炸薯片！ 只系人仔10蚊😆😆😆 抵食有好味😋 4. 茶树菇爆鲜鱿超惹味嘅小炒😋👍🏻👍🏻👍🏻 茶树菇健康爽脆, 配上爽口西芹同鱿鱼爆炒！ 香味一流😻😻5. 茶香鸡又一个外婆家必点！ 茶！香！鸡！ 超超超入味超软超松化嘅鸡😋 入味到连骨都有味😌😌😌 仲要系超抵食😆 6. 桂花山药叫咗呢个清淡少少嘅小点😌 中和下其他香口食物嘅油腻，健康清甜😋 桂花味超香😌 7. 酸菜鱼超大盘！ 超劲量！ 大大盘嘅圆周有手臂咁长😮 超多鱼块无骨超入味😊 小辣。 冬瓜酸菜底，好入味架😌 8. 干扁四季豆☺️又一个香口嘅前菜😆 四季豆香口惹味但偏咸😆 送饭一流😆 9. 蒜蓉粉丝虾呢个菜不过不失，味道适中😆 总括而言每次去外婆家都食到饱一饱但人均系绝对唔过100蚊人仔😆 抵食到爆啊😆😍🤩 …查看更多

觅食版图走到去深圳其实深圳真系几多美食，而且因为国民要求越来越高，餐厅不论系𩠌菜素质还是店铺装潢方面都花好多心思。以前港人北上通常浦东门，而家多左好多大商场，基本上香港有嘅品牌，深圳都有，而且因为地大，店铺占有空间都好大。今次到访大剧院站嘅kk mall (京基100），搭绿色线同罗湖站只相距两三站，出左闸基本上唔洗上地面已经连接倒，好方便。到了我们目的地外婆家攞飞先，再闲游一下商场，晚上七时半二人枱已攞到76号（当时叫到38）。唯有周围走走。除了外婆家，其实商场里仲有好多中餐厅，如果无目标真系会花多眼乱，连本来系上海好好味但现在质素差好多嘅俏江南都有。等左差唔多一小时，因为铺头大，流转快，好不知不觉就等到我地喇（如果唔介意，可以拼桌，服务员时不时会嗌咪，可以即时入座。）而嗌咪时，预录语音系一把小朋友声「外婆叫你吃饭啰」嗌足成晚。等位期间已经拣好𩠌，所以入座就直接揾服务员点菜。我们二人大大小小前菜，主菜，汤点共点了七个菜，服务员贴心提醒话点得有点多，著我们减少一两个菜。呢个又想试，个个又想食，最后减少左个小菜，继续出单。首先上枱嘅系卤水大肠，系香港好少叫倒大肠，卤水味好香，好入味但唔死咸，咬落烟韧，点少少醋味又有另一种味道。跟住食左个外婆烧肉，九格东坡肉比旧咸鱼围住，下面加左d笋丝。其实都系苏杭最普通有条绳扎住嘅东坡肉最岩口味。呢个东坡肉都同样系卤入味，肥猪肉位入口即溶，猪皮亦带口感，夹系包包入面食，减少油腻感。外婆鱼头，睇相以为系人地椒鱼头咁，大鱼头破开两边，加上辣酱同蒸，望落去像普通豆鼓蒸鱼，食落去好辣呀，要去左d酱先食倒。鱼头鱼云位置爽滑，鱼咀弹牙，鱼背位置虽然多骨，不过因为蒸得刚刚好，所有事情都系爽弹滑。连平时唔食鱼嘅我都补充左好多骨胶原，无叫错呢味𩠌。蟹粉豆腐系最失望嘅一道𩠌，豆腐系好健康嘅一种食材，配上邪恶嘅蟹粉本以为会很下饭，豆腐系好滑，但完全无蟹粉味，莫讲话蟹粉味，蟹味都无呀（有油嘅味道啰），最后食左两啖。外婆家除左啤酒就无咩特别吸引嘅饮品，所以叫左个价值人民币15玩嘅蕃茄蛋花汤。索价15蚊能够比咩菜色？最后送上来的是一个大汤碗，应该够一屋四人一人两碗。虽然不是很清甜的蕃茄，不过清清淡淡很解辣。最后送上的是小龙包，亦是等左最耐嘅。一笼六只望落好干，一夹起皮唔系好薄所以都唔会好易穿，饮下d汤汁先，汤汁竟然系清甜嘅，大赞呢个等左最耐嘅小龙包！最后二人食左人仔258，捧住个肥皮满足咁离开。…查看更多