影片
营业时间
今日营业
11:00 - 23:00
星期一至日
11:00 - 23:00
以上资料只供参考，请与餐厅确认详情
招牌菜
嚟到海岸城梗系要揾食，见有人串绍蟹一品唔错，藉住揾到几个人一齐北上，就更加唔使就住就住咁食。我哋叫咗7款嘢食，佢个蟹粉个味真系好出，同埋都估唔到佢用蟹粉可以衍生咁多唔同嘅菜式，加上价格唔贵，落单完全唔使谂，叫咗先算。蟹粉春卷蟹粉味好出，炸得够热同够脆，虽然26蚊人仔得四条唔算话平，但我觉得直得试。秘制鸡胗（右）鸡嘅胃部，同蟹粉冇乜关系嘅小食，咸咸地，如果有啤酒就更加理想。一品灌汤包（需8到10分钟）皮厚咗少少，但冇影响到灌汤包鲜味，汤底浓郁，肉馅亦都好鲜嫩。蟹粉虾仁捞面呢个唔系我点，所以只能观赏。论卖相真系一流，满满嘅蟹粉，坐响隔离都闻到阵阵嘅香气，见到啲虾都唔细只，同几新鲜咁，睇见都流哂口水。虎皮鸡爪另一个同蟹粉冇关系嘅小食。有啲奇怪系冇剪到啲指甲，加上我唔食凤爪，所以呢个都系比我观赏。蟹黄烧麦系烧麦而唔系「烧卖」，我上网睇呢个系闽菜，起初我地都误会咗系等同烧卖，但出嚟个卖想就完全唔同。佢同一品灌汤包有啲似，而且系升级版，有更多嘅猪肉，菇、蟹粉，而且皮够薄，蟹粉虾仁大馄饨加面条呢个我点嘅面，嚟到见到呆咗，一碗有成8粒云吞，我分哂比朋友，自己都仲要食4粒，仲要粒粒都劲大粒，真系好夸张。我未食过云吞嘅皮可以咁薄，同埋馅料可以咁丰富，可以食到啲虾好爽脆，而且食落好juicy，加埋劲正嘅蟹粉一齐食，简直perfect。其实呢餐我哋系tea time去食，已经食咗咁多嘢，讲真真系好满足，去深圳真系唔会想比自己个胃有空间。
继续阅读