喺YouTube睇到呢间店嘅探店视频，自己从来未食过安徽菜，即刻心思思想去试下。我地喺平台买咗个 618 蚊嘅两人餐，除开甜品、果盘，套餐入面仲有 9 道𩠌。最窝心嘅系，食到后面惊我地未饱，仲主动送多咗一份𩠌俾我地，呢种贴心度真系好少见，服务超加分！一开始先上咗两份凉菜，味道中规中矩但清爽开胃。呢道系招牌菜来嘅，浓香咸淡岩岩好。绿豆饼炒青菜馓子系炸过嘅好香，搭配豆芽食起身超脆口。鸡肉口感有啲靭，唔系我地广东人惯食嘅脆口鸡，感觉比较一般。呢个系我最钟意嘅！藕丝爽脆，咸肉香味足够，炒得好入味，送饭好正。第一次试呢种鱼，因为个名嘅原因，一开始有啲惊唔好食，点知食落去又好OK，冇想像中咁难接受，最后成条都俾我食晒。呢道系店家送嘅，韭菜花爽嫩，腊味够香，配饭好正。套餐嘅主食系大饼，听讲大饼系北方菜常配嘅主食之一，蘸啲𩠌嘅酱汁超吸味，口感松软，配𩠌味道唔输米饭。大闸蟹有啲可惜，食起身个味麻麻地，冇咩惊喜。间店嘅位置环境比较一般，想入去要先行过一间间外卖店，行嘅时候有啲唔舒服，感觉有啲乱。不过入到店入面就好好多，环境整洁，间大厦有东西两部电梯，坐电梯上落都方便，就系要揾啱个方向。可惜个入口体验太差，呢点要扣啲分。不过服务系要俾满分嘅！老板同厨师都系安徽人，服务够晒热情，仲有两位侍应系广东人识讲白话，全程沟通冇问题。菜品方面，对于香港人嚟讲，第一次食安徽菜，最大感觉系偏咸，不过听店家讲安徽菜本身就重口味，咁都算合理，总体嚟讲食得都开心嘅。…查看更多
