呢日胆粗粗带埋 #两老👵🏻👴🏻 同屋企人开车🚘嚟到 #莲塘口岸，一行六人嚟个 #深圳 半天游☺️ 由关口搭滴滴🚖到商场，几乎要40分钟时间，长途跋涉就系为咗一尝「陶陶居酒家」嘅美食🤪虽然我哋已经预早喺网站排队，不过嚟到一样要等😅 一向 #小秘书 都对国内食店嘅 #服务态度 同 #环境舒适度 有赞冇弹😎 估唔到呢间有「米芝莲评鉴」嘅餐厅，居然令我大失所望😅 「陶陶居酒家 - 龙华壹方天地店」嘅环境挤迫度，竟然可以媲美香港屋村酒楼😅 服务员安排我哋坐喺一张小圆枱，但系枱板就有2/5位置靠近屏风，而旁边咁啱就系茶水间，服务员喺我哋旁边冲茶、倒水，熙来攘往… 非常骚扰！最搞笑系我哋要求要多一壶热茶，服务员非常敷衍咁话「我哋餐厅无咁多茶壶，如果你哋想饮铁观音☕️，唯有拎走壶菊普☕️嚟交换！」😅 除此之外，我仲见到佢哋将人客用过嘅茶壶，换走个茶包冲冲热水就直接俾第二枱人客… 好唔卫生啫😅😅至于食物方面，味道都算唔错🤤 我哋试咗佢哋驰名嘅 #百年烧鹅，食落口感唔会太肥，配合埋特有嘅酱汁，真系几滋味，不过鹅身就冇乜修饰，对于唔识喽骨嘅我，真系有啲唔方便😅 另一个名菜 #冰镇咕噜肉，外貌系几特别嘅，炸好嘅排骨放喺冰粒上面，味道酸酸甜甜咁，啱晒小朋友嘅口味😉 之后我哋又叫咗 #一口酥豆腐、#蒜蓉粉丝蒸虾，仲有 #干炒牛河 … 口味正常，但就唔见得有太大特色！反而佢哋个 #海鲜红米肠 就有啲惊喜，馅料丰富之余，包功了得，咬落去都几松化，唔会有死实实嘅感觉，值得一试🤤 最后我哋要咗一份 #手工苹果金柚包，做功非常细致，外貌就似一个迷你苹果，食落去会有啲柚子汁咇出嚟，啱晒钟意打卡嘅我😎 整体食物质素都尚算可以，但系服务质素就完全失控，而且价钱完全拍得住香港😅 我揾唔到理由，会喺短时间内再返嚟啰🤫📍 陶陶居酒家(龙华壹方天地店) 深圳龙华大道壹方天地C区4层019号…Read More
