說起來，都有好一陣子沒說自助餐了，更遑論是深圳的自助餐？
早前同太太及囝囝北上，踫正橫風橫雨的日子，反正都要開餐，順道係香咖啡食自助餐。
一排無見，又改了主題，今次7月係以雲南菜色作主打“尋味滇境”。
但只在星期五及六晚上供應，每位都不過￥248，紅白酒啤酒汽水free flow，係深圳食自助餐，性價比真高。
未入餐廳之前，大門口有穿著民族服飾的侍應送上一杯“山野酸角汁”，飲落有點似酸梅湯。
先講講餐廳每晚係不同時段會推出特別菜，例如是晚先後有蒜蓉烤龍蝦及生蠔。
另外更有過橋米線及雲南汽鍋雞。
原隻火腿即切，配以蜜瓜又係誠意之作。
海鮮
大堂中央的海鮮船是亮點，放滿了墨魚仔、三點蟹、青口、海蝦、長腳蟹爪、扇貝及翡翠螺。
畢竟是酒店級別，就算是凍海鮮，光顧了超過20年，都從未試過出事。
尤其是墨魚仔好爽口；蟹爪質素不錯；翡翠螺勁大隻。
湯
每次都有兩款湯，啱晒我。
排骨湯及蟲草花烏雞湯都好夠火喉，每口都是精華所在，飲完亦毫無口乾感。
火鍋
深圳其中一樣最出名菜色，除了酸菜魚，就一定係火鍋，換了係香港，係快餐店一個人火鍋閒閒地一百蚊落樓，仲要無乜野食，但係深圳，真係豐富到一個點。
湯底已經有兩三款選擇，而肥牛供應由頭帶到尾，點食都得。
海鮮有海蝦、沙白、青口、瀨尿蝦、三點蟹及海蜆，夠豐富了吧？
還未計主食的瀨粉及公仔麵。
什項有牛丸、豬肉丸、蕃茄、火腿、豆卜、金菇、冬菇、響鈴、芽菜、百頁、白菜、小棠菜、娃娃菜及生菜，計計埋埋都超過20樣食物。
如果單想食碗麵，又有冬陰功、自製喇沙湯底及奶油蘑菇湯，其實個人覺得齋飲都好正，尤其是冬陰功辣辣地又惹味。
講返是日主題，有好多菜色不單從未見過，就連名都未聽過，好特別。
黑松露炒雞樅菌
好香黑松露味，雞樅菌好入味。
傣家香茅嗆明蝦球
蝦球爽彈又充滿香茅味。
雲腿青椒牛肝菌炒飯
微微的辛香又乾身，倒有不少捧場客。
仲有寶山臘鵝豆泥水性楊花、傣味青檸檸檬雞、大理雕梅蜜汁小排、桂花蜂蜜大樹蕃茄水牛芝士
、鹽焗七彩花生、喃咪撈汁嫩秋葵、廸慶藏族式耗牛干巴、火瞳蔥香薑柄瓜、德宏風味百香果牛扒呼、大理海稍酸辣魚及麗江風味金銀蘿蔔煮臘排骨。
當中已包含前菜、小食及主菜，傣味青檸檸檬雞及麗江風味金銀蘿蔔煮臘排骨係我個人最喜歡的兩道菜。
大堂一角有酥脆石林羊奶乳扇、大理白族風味乳扇沙琪瑪、南風味火腿小餅及玫瑰鮮花餅。
老實講，4款都試過了，羊奶乳扇的燥味真的好重：沙琪瑪比港式較實淨；火腿小餅及鮮花餅就最啱配杯濃茶。
熱葷
除了特色菜外，基本的熱葷都有好多選擇。
咖哩雞
夠惹味，如果可以配碗白飯又係無得輸。
剁椒龍利魚
水準好高，完全無碎骨，啖啖肉之餘，辣度恰到好處。
水煮肉片
又係必食，辣度令人欲罷不能，肉片又嫩。
另外鹵水雞蛋、鹵水豆腐、廣式燒雞、廣式燒鵝
、避風塘炒蝦、蒜香骨、蝦仁炒飯、海皇豆腐及涼瓜牛肉都好啱我口味。
鐵板燒
有烤雞、烤羊扒及牛扒，食肉獸可以有多個選擇。
刺身
內地客人似乎對刺身興趣比香港人輕，所以基本上沒有人龍出現，有三文魚、吞拿魚、鯖魚、希靈魚、八爪魚及鯛魚。
Cold Cut
有Cold cut拼盤、芝士拼盤及壽司拼盤。
甜品
先試下內地品牌翡冷翠出品的雪糕。
凍櫃有朗姆葡萄酒、丹麥曲奇、香芒幽夢、法式香草、比利時巧克力及tiramisu口味。
最受小朋友歡迎的有朱古力噴泉。
其他甜品有巴斯克蛋糕、法式香草焦糖布甸、烏龍茶水蜜桃慕絲、菠蘿百香果香蕉慕絲、朱古力brownie、朱古力樹莓蛋糕、慕斯杯、巧克力樹莓慕絲、青蘋果芝士蛋糕、草莓泡芙、榴槤班蘭瑞士卷、法式香草焦糖布丁、馬卡龍、
紅絲絨蛋糕及焦糖核桃撻。
個人推薦青蘋果芝士蛋糕、榴槤班蘭瑞士卷及紅絲絨蛋糕。
水果
有哈密瓜、蜜瓜、西瓜、橙、蘋果及人參果。
