海底捞火锅 (福田卓悦INTOWN购物中心)

學校教師發展日，放假1天，同大女兒去深圳玩，第一站就直奔卓悅廣場嘅海底撈，打個邊爐午餐！

每次食海底撈，蕃茄湯底都係必點，熬得濃稠又酸甜，開胃到未涮肉先飲咗兩碗。最驚喜係生蠔——雖然係打邊爐食材，但竟然連殼上，睇住就新鮮，涮熟後肉質飽滿juicy，完全冇腥味。各款肥牛亦都好有水準，涮幾秒就熟，入口嫩同埋夠香，蘸埋自調醬料超正。

飲品揀咗橙子非凡，清新嘅橙味好解膩，同濃郁嘅打邊爐超配，大女兒都話好飲。

全程同大女兒一邊涮肉一邊傾計，食完仲可以繼續逛深圳，一日遊開頭就好滿足！