丹桂轩(新都店) (已結業)

欖菜青豆，都唔知叫欖菜定雪菜，咸咸地幾好食。油浸白飯魚乾，腍腍地帶嚥韌質感，但齋啪有點寡，撈飯食應該香口唔錯。咸水角，厚厚的一層包皮，嚥嚥韌韌，咬落不油淋淋，微量肉碎做餡，皮係主角，還可以啦。冰花蛋球，匪夷所思的一道點心，小雲姐好奇心驅使之下 order 試試。原來係炸蓮蓉包外面再洒上砂糖之麻，食落都唔係太甜，本人覺得麻麻。叉燒酥，長條形好得意啊，香港見開都是圓包形。甜甜的叉燒餡配咸咸的酥皮，撞得特別，又幾好味喎。叉燒腸，點解可以捲住成棵芫茜係裡面那麼誇張呢？痴左線咩，我一食芫茜或聞到都會反胃架，又要我慢慢挑出黎，揀到我死喇。叉腸粒味道還可以，不過不失。黃沙豬膶腸粉，加上大量韮黃，我又係食唔到的呢，又要揀過，救命。豬膶夠爽滑不乾鞋，無咩特別，過得去啦。豉汁雞腳，一次過叫幾碟齊齊損腳指啦 ﹗雞腳炆得入味，口感軟滑，滿意。黑椒牛仔骨，份量少左好多，只得三小件，又無咩肉食，而且有部份淨係筋或肥膏。味道滿意，只不過有點油淋淋囉。薑蔥牛柏葉，芡汁太甜太厚一舊舊，牛柏葉味道偏咸，雖質仍保持爽彈，但整體低於水平。水晶蝦餃，蝦仁爽口微鮮，味道不錯，但餃皮唔夠薄，太厚影響口感，賣相要夠晶瑩通透才吸引架麻