why518's Profile

团咗份冲好靓好难饮啊，多茶多糖多味精，咩来噶，咁差点卖啊俾你都咪饮啦，虽然唔系要收钱，都咪毒害人啊，快啲关门啦仲未够啊，写咗好多废话啦，仲要写，冇钱收嘅，OH NO …Read More

依间新大班其实开咗好耐嘅了，最近终于者埋啦，因为难食啊，冇钱咪关咯，边旧大班啦~最近澳门街要关啦，快啲食埋就算啦，图都唔使发啦，冇嘢好似了。以后都唔使去啦，等住换画啦，写乜鬼啊…Read More

喺美团见到有，试下咯，好鬼难饮啊，虽然好便，但落啲乜鬼嘢噶，甜死人咩？！奶唔使钱搏命加，糖唔使钱搏命加，好似开饭咁豪搏命送奖品？真系咁笋，呃人啦！以后都咪搞，得闲继续食食食~…Read More

新疆的馕我都几喜欢嘅，平时都会偶然帮衬下啲街边档，虽然觉得唔系太卫生。冇惗到体育西新开咗间好洋气嘅新疆馕店，装修布置到简直就系个西式嘅烘焙店，比好多西点铺都有型得多~店员仲著埋统一嘅工作服，态度热情有礼，要赞一个！店面比较细，门前仲摆咗露天就餐位。依道除咗各种各样新疆馕，仲有披萨同饮品，不过暂时未试过，唔知出品如何。我次次都系买个馕返去食嘅，原味嘅5蚊个，虽然比街边嘅贵些少，但分量亦更大啲，而且整得更好，亦干净卫生啲。除原味之外仲有芝麻馕、果仁馕、油馕、窝窝馕……每次试一种都有排试了，哈哈…Read More

团咗份限时特价嘅玛莉奥现金券，去咗珠江新城个间，店面几大，环境比较舒适。 依间除咗面包蛋糕之外仲有咖啡奶茶之类嘅饮品，可以喺道坐着舒舒服服咁品尝。 20蚊如果买面包就几抵嘅，不过我想试下佢嘅朱古力芝士蛋糕，再要杯罗汉果柚子茶就要25蚊了，贴现5蚊，如果唔用券就有份18蚊嘅下午茶套餐，仲实惠啲呢。 朱古力芝士蛋糕其实比好多咖啡店甜品店嘅价钱要更抵食，朱古力味几浓，口感绵密扎实，底下仲有核桃仁层次更丰富。 罗汉果柚子茶个搭配比较少见，饮落其实罗汉果味更突出，味道还可以嘅。 依道店员唔少，但服务态度较为麻麻，不过胜在环境够舒服，得闲来依道叹个下午茶都唔错嘅。…Read More

经过见到依间肉夹馍店想试下，有唔少口味可拣，先试下个原味如何吧。原味就系夹卤水五花肉，连同香菜一起剁碎夹入馍，味道唔错，虽然都唔少肥肉，但唔觉得腻口。老板唔觉得几肥吖，态度都几好嘅，一再嘱咐趁热食～下次经过试下孜然味嘅…Read More

一直见依间嘅甜品网评口碑唔错，趁限时特价马上落手，上次去海港分店食嘅甜品唔错。正佳个间原先系2楼家阵搬到负一了，环境都算安静，就餐位都算舒适。点餐系要自己到柜台落单，芝士菇菌焗薯蓉，芝士咖喱肉酱乌冬，朱古力千层蛋糕。焗薯蓉都还可以，稍油腻啲；乌冬味道寡淡，芝士同咖喱酱少得可怜；那个千层蛋糕又硬又韧，唯一钟意嘅系面头个层朱古力酱～感觉甜品类唔错，简餐就麻麻了，蛋糕就要睇手神咯～…Read More

秒杀到茗记的甜品，刚好要过去那边，马上就去试下了。 店喺正花城汇嘅UA影院旁，平时经过都见到好静，今次同样，得我一个（包场啊～）。 店员几热情有礼，睇下餐牌，品种唔少价钱都唔便，都系先试下个糖不甩再算了。 应该系现点现做，等咗10多分钟就有得食，卖相唔错，同餐牌图片冇乜出入。 六粒冇馅汤丸上面好多花生碎，底下有啲糖浆，汤丸口感烟韧，但个芯未煮透，稍欠软糯。 依道环境布置都唔错，wifi亦好顺畅，过来睇电影顺便喺道食个甜品都唔错嘅，店内每日有个9.9指定甜品优惠。…Read More

广利路依带真系好多小吃，系屌丝们的美食集中地啊，依间热干面就夹杂在其中。 店面细细，品种好少，都系热干面同蛋花酒豆浆几款，见个个都系食碗面嘅。 细碗热干面睇落份量唔算大，有啲黑麻酱同咸菜粒，捞起来其实份量一啲都唔少，起码女仔就足够饱了。 麻酱捞过有啲灰溜溜，但食落真系几香嘅，面够爽韧，咸度适中，如果水份再多啲就更好了，我觉得2.9嘅团购价真系好超值～…Read More

上次去乐峰已经想试下绿茶了，今次光明广场开多间，趁有1蚊嘅面包团购，就去拔草吧。环境比较似西餐厅，满眼绿色，感觉唔错嘅，免茶位但要自助斟茶。那个1蚊面包诱惑原来现场点满50蚊都可以有换购了，摩登百货会员同样可以哦～餐纸上好多品种选择，价钱都唔贵，有啲花多眼乱，本想试宋嫂鱼羹，后见到有香椿炒鸡蛋，立马转钛。一直恨食香椿，但广州好难覓到踪影，某次见到不及手腕粗嘅一扎都要10个大洋！依份炒蛋都唔算少，香椿当然唔会太多啦，但真系好香，蛋够嫩，两者确系绝配～面包诱惑就系依几年流行嘅做法啦，不过雪糕真系太袖珍了，面包就只系外层焗得脆里面就系普通嘅多士啦～一个人食量有限，下次再试其他出品吧，首印都唔差，就系人多比较嘈杂啲啦～…Read More

一直见网评话依道嘅生煎好食，有时经过都见到好多人排队买。生煎都食过好几间了，今次趁红包活动团咗份来试下，睇下有几正。中午去到人唔少，主要系店面太细，就餐位相当逼挤，排队嘅系因为现做嘅数量有限，等得比较耐。到我刚好要等下一锅，等候多时才新鲜到手，热辣辣。依道有备吸管供吸食包内汤汁，但趁热就好易“中招”！仲不如用嘴小心吸食。包外皮比较厚，底部煎得唔够酥脆，里面嘅汤汁亦唔算好多，馅料味道还可以，完全唔觉得比其他店嘅要出色。食完小飞我对生煎嘅兴趣亦到此为止了，试过咁多间，唔觉得有边间系令我特别喜欢，有回头嘅冲动，拜拜了生煎～…Read More

好在依份团购系用红包抵现，咪就心塞咯～团嘅系小笼包唔系生煎，间店同老鸭粉丝汤孖档，唔睇仔细啲都行过。到手发觉佢嘅小笼包根本就系生煎嘅直接拿来蒸，皮厚得交关！算系我食过最厚皮嘅小笼包了！里面汤汁亦唔多，味道一般，皮食落有啲黐牙，认真难食嘅小笼包～…Read More

某网发红包活动得来唔少面值极少嘅“鸡肋”，刚好这个团购可用，亦够近就团来试下吧。依间店系主打湛江海鲜烧烤类嘅，虾蟹鱿鱼生蚝鸡翼等，仲有我团嘅猪肠碌～所谓猪肠碌原来系猪肠粉里面卷咗啲大豆芽菜，仲等我以为系真的猪肠呢。。。味道偏咸，可能系酱汁关系，有啲烤蒜味，味道真系好一般，性价比低，要知道一碟斋肠亦就系咁上下价咋～…Read More

见朋友赞依道嘅下午茶套餐抵食，我马上团咗份来试下。 餐厅喺高德置地夏商场的楼上，下午时分好少客，环境舒适阔落，喺道消磨时间几惬意的。 拣咗厚多士伴番茄炒鸡蛋同热咖啡，主食嘅份量十足，卖相唔错。 多士焗得几香，炒蛋好嫩滑，番茄有啲啲腥；咖啡比我预期嘅要好，味道香浓，几满意。 见到在场嘅大部分都系食团餐嘅，确实喺珠江新城咁样嘅环境咁样嘅出品咁样嘅份量才只需9.9，真系好超值了。 店员嘅态度还可以，有些微不足嘅系睇落几整洁嘅环境居然有蚊滋飞来飞去………Read More

店面几细间，甜品以五谷杂粮为原材料，比较健康养生。团购嘅有五谷丰登豆腐花同么么咋咋，五色嘅豆花睇落几靓，味道清甜嫩滑，至于区分边五种味就真系食唔出了。豆花有五种颜色，好嫩滑，但食唔出有乜分别，底下有五谷杂粮，食完一碗都几饱足噶；么么咋咋材料丰富，甜度比较低，我中意。依道嘅甜品整得唔错，甜度都比较低，仲有凉茶卖，价钱比较实惠，得闲都会再去。…Read More