川林海鲜酒家 (湾仔新海鲜街)

营业中

休息中

四月初同几位朋友去左澳门+珠海两日一夜，今次选择住珠海。我地上、下午都留左喺澳门玩，到旁晚时份先番去珠海check in、晚饭。休息左一阵之后，我地就出发去湾仔海鲜街食晚饭。因为上次黎湾仔海鲜街已经系几年前嘅事，印象深刻，记得好似三圣村咁，一条街卖海鲜，旁边都系食店，自来海鲜加工。我仲记得食左好平！事隔几年再黎，好失望，唔会再黎本来都满心欢喜，但行左三转都冇乜买到啲乜海鲜，我觉得呢度食海鲜仲贵过喺深圳、罗湖食好多。最终我地买左一共 280RMB，有。利申：我地并冇讲价讲得好夸张当买好海鲜后，就直接喺附近拣一档食店去加工，食店选择好多，我地冇乜头绪，尽量拣啲人多嘅（冇人帮衬肯定有原因）最后拣左呢间行得比较尾嘅川林海鲜酒家，几大间，未坐满但有唔少客人。听人讲话呢条街嘅食店加工费间间都差唔多，我地问左三间，确系唔差好远。白灼花竹虾（加工 5RMB/一斤内）白灼冇难度，所以只系收几蚊加工费。竹虾虽然size唔系好大只，但肉质会比较爽口。豉椒炒花甲（加工 28RMB/2斤内）呢款花甲王个壳就几大只，但唔系好有肉地，幸好冇乜沙。不过50蚊两斤…算啦。豉椒炒都系冇难度，唔会难食沙姜炒八爪鱼 （加工 28RMB/斤半内）未试过呢种煮法食鱿鱼，味道唔错！我谂呢间食店炒野比较拿手啲鱿鱼炒到出黎就唔系话好多，但都好爽口、弹牙。蒜蓉粉丝蒸扇贝 （加工 25RMB/10只）极大量蒜蓉，好似唔洗钱咁…粉丝都唔系值钱野，所以都几多。可惜上碟冇加豉油，带唔到鲜味，只系食到蒜味…扇贝蒸得有少少过火，带韧清蒸水蛋 28RMB我梗系唔会话你知我除左系鸡翼控，仲系水蛋控啦。为左要捞几碗饭，点左碟水蛋。话说我冇喺国内食到过唔好食嘅蒸水蛋…今次食到喇蛋蒸得老得滞，虽然里面都够滑，最致命系…完全冇味，又冇蛋味，又冇豉油味…白切鸡 48RMB/半只鸡比较瘦，肉唔多。咸蛋肉片芥菜汤 32RMB我谂有9成嘅国内餐厅煲呢煲汤都可以好饮过佢…咸蛋影都唔见，肉片鞋到乜咁。蒜蓉炒菜心 32RMB呢个喺大陆食碟炒菜，算贵架喇，蒜蓉炒咋。油菜油菜，菜就油左少少，过得去啦…其他收费：大可乐 15RMB/枝白饭 2RMB/碗餐具 1RMB/位茶位 2RMB/位最终埋单95折后 263RMB，连埋海鲜除番开每位港币百二蚊左右，系唔贵，但冇食到边样比较突出嘅野。至于海鲜街，我地都唔会再黎噜，同几年前黎，感觉争好远（唔知系咪𠮶次我食午饭呢…） 继续阅读