来魅力酒店海鲜自助餐

营业中

休息中

第一次用非香港既搜索，就谂起上年9月同朋友请我去左旅行，3日2夜珠海游。而我地住既酒店就系呢间对正拱北口岸既来魅力酒店。虽然去个日系星期一平日，之前几次去珠海既感觉，都系日抖车多人多，关口附近好繁忙，而家有港珠澳大桥之后，感觉就好左少少。而酒店同港珠澳珠海关口大约40-50蚊的士左右，都好近好方便。所以黎到后既第一餐晚餐就选择酒店既自助餐，安顿好休息好原地食完就可以夜晚去玩。由于系平日同埋之后有下场，我地又极准时6点左右就去到餐厅，所以餐厅个刻未算太多人，但好多食物都已经系准备好晒，因为呢间好似系6点就可以开始用餐。埋位放好野后先去睇下有咩饮品，哗，真系够晒多款式，雪碧芬达可乐维他奶都系支装另外仲有青岛啤，红白酒，亦都有三种果汁咖啡奶茶红茶玫瑰花茶之类一应俱全。之就开始30分钟之后再黎睇下就发现bartender待应系度调较特饮，有薄荷梳打同橙汁特饮，我最后冇饮其他嘢饮而饮左3杯橙汁特饮同1杯薄荷特饮，因为真系好好饮，薄荷特饮有𠮶种薄荷味但系唔会过于太重，而橙汁特饮更加系甜度适中又唔会过甜𠮶种👍🏻刺身有数款，有醋鲭鱼，仿鲍鱼，希灵鱼，立鱼，三文鱼，亦都有海胆，不过我唔食，我朋友就话仿鲍鱼同海胆都好好食。三文鱼同醋鲭鱼味道唔错，亦都够新鲜，冇异味👍🏻之后冷盘火腿蟹脚等正常发挥，热盘就相对差少少，选择唔多，试左少少意粉都偏硬左唔够淋。🥲但唔紧要，呢度自助餐既主角，系海鲜火锅一入到餐厅转右入去，一望入去就系呢个同街市海鲜档一样既海鲜池。对于我呢个水上人家族黎讲，见到可以咁样任食既海鲜一定唔会手软，特别系之后开始人多了，大家都锋拥去不停捞海鲜。我最后食左8只大花甲，4只鲍鱼，同4只虾。我建议各位汤底可以拎黎煮海鲜用，但绝对唔好饮用。当晚有两款汤底，一款系麻辣汤底，我不食辣，所以唔啱我，结果我就要咗另一款红枣汤底。捞起既海鲜亦都好似餐厅栋咗个牌仔，建议先喺佢个池旁边有侍应帮你用热水煮30秒，特别系甲壳类等佢啲花甲开咗口，之后先至去慢慢返去自己位𠮶度灼熟食用。由于本身就系咸水既海鲜，所以汤底最好唔好饮埋啦。鲍鱼，虾同花甲都极之新鲜，特别系花甲，鲜甜味突出最后呢次自助餐本身有送每位半只芝士焗龙虾，味道不过不失啦，主要系芝士影响左。但系系见到佢即刻整嘅，另外仲有烧广岛蚝都系即整。最后，𠮶一晚亦都有其他香港人嚟食呢间自助餐，一行共12个女仕，连埋其他本地嘅顾客，成晚大概差唔多一百人，好在我哋早去，食到中途大花甲池已经冇晒花甲，亦都唔知有冇refill，但鲍鱼同虾等呢就极之多。PS：由于我去嘅时候系旧年九月所以有好多嘢唔知有冇更改。味道比4星既原因就系唯一佢热盘食物相对一般，甜品亦都有选择，有雪糕，蛋糕，布甸等等。 继续阅读