真係好好食，終於明白點解啲人成日北上食嘢。呢度嘅級數由環境到服務到食物質素擺盤都真係酒店級。燒鵝好出名，好似$98定$89 ，其實大陸人真係冇必要落嚟香港食燒鵝。。。皮好脆，個汁係上枱先淋落來，唔會整冧咗個皮。不過佢個叉燒唔好食，因為香港都食慣靚叉燒，呢個就真係比唔上香港普通舖頭嘅叉燒，微伏。生蠔超級值得嗌，但係因為新店開張做緊折扣，唔知會做幾耐，$12/隻大過手掌。仲叫咗個豬油渣炒菜心，不過冇影相，朋友話好油，但我覺得超香，同埋好難得有豬油炒菜心。Overall食完無話好想飲水，相信科技與狠活唔多，晚市都仲有點心可以嗌，可惜實在太飽叫唔到，另外侍應好好咁送咗個雙皮奶同豆腐花俾我哋，所以更加食唔落
唯有等下次再食…查看更多
唯有等下次再食…查看更多
