影片
更多
2010-11-04
234 瀏覽
08-08-24 果日我拉姑忽然打电话比我..话距地系深圳翻紧黎..想约我地饮茶.. 揸车兜左一轮都谂唔到去边饮茶好..姑丈就话..咪谂甘多喇..去中酒喇.. 我心谂..饮茶咋窝..洗唔洗甘惊吓啊. 去到拍好车..居然要收停车费窝..20蚊..
果日我拉姑忽然打电话比我..话距地系深圳翻紧黎..想约我地饮茶..
揸车兜左一轮都谂唔到去边饮茶好..姑丈就话..咪谂甘多喇..去中酒喇..
我心谂..饮茶咋窝..洗唔洗甘惊吓啊.
去到拍好车..居然要收停车费窝..20蚊..
然后我以为去边度饮喇..原来系去食街..
我姑丈一坐低就想当年喇..话距后生既时候去完越秀山打波就会黎呢度饮茶..
有无甘耐历史啊??
讲翻正题..
去到我地要铁观音..距地居然话无茶叶..
好在我拉姑平时饮开自己D私家茶..甘先唔洗沦落到要饮滚水咋..
我地要野食要得唔多..艇仔粥..烧鹅濑..白灼菜心..浮皮鱼蛋..
仲有D排骨凤爪之类..
系对份白灼菜心比较有印象..因为好好食..36蚊..
开头我拉姑仲讲左句非常经典既话.."36蚊一碟..我买一箩都得喇"..
但结果..白灼得好嫩啊..一D都唔老身..
环境系几好..因为好少人去..
但我始终觉得同荔湾亭有D似..唔知系咪D酸枝台凳既假象呢..哈哈
服务方面就一般喇..有好几次我地要叫距距先识冲水.
甘既服务态度系一间五星级酒店里面出现就真系唔应该喇..
讲得难听D..黎呢度都系想食服务姐..你估你地D出品真系好好食么..
最后埋单288蚊..服务费15%..茶位5蚊一位..
之前停车张票可以当翻20蚊用..心理都平衡D..
后来我表哥话..翻广州饮茶最好去流花路果间东海..原因系D野好食..
下次有机会试下..
張貼