不过呢度地方都好大下，可惜系远咗啲，坐公交嘅话落咗车都要行一段路先到，可能行5分钟到吧
反正酒楼呢大就好大，而且好多间房，不过环境一般，唔新，装修都好老式下！
我哋包咗间房，房唔系好大，冇电视机冇沙发，就系得张台嘅，16、7个人啊，差啲坐唔落
叫咗好多菜，但系由于系亲戚请食饭，就冇一一拍低佢咯！白切鸡都好大碟下，但系鸡唔系主角，反而姜葱调得比较好味道，但系鸡都算新鲜，皮都几脆下
爽鱼皮啊我的挚爱，都脆花生都好好食，但系可惜少咗啲汁，如果唔系就仲正啊！
卤水鹅掌翼，一啲都唔韧，好似入口会化咁，肉同骨容易分离，咁样觉得容易食好多，唔洗齿下齿下
奶黄馒头，有配埋炼奶，馒头都可以，几新鲜，反正仲叫咗好多菜，虽然冇妈妈讲得咁出色，但系都唔错下，会推荐！
