寿司皇系最少人，所以就来呢度。前面只有1个号系度等，所以好快就轮到我地，不过门口
无服务员，好耐先行出来，所以好多人来到都走咗。
里面环境一般般，唔系好大，中间系工作台，属于开放式厨房啦，但系作用唔大。
来到先知道原来寿司皇系四洲集团的，不过味道似乎就无乜水准啦，睇咗吓餐牌，品种唔
多，价钱贵，特别系刺身，一D都唔抵吃，最后就随便要咗几样。
熟虾寿司，熟虾完全无鲜味，质感都一般，似乎唔系话好新鲜个只，而且好寡，无味的，饭
包得都唔结实，好容易散，米的味道都无乜，比较淡。
腐皮小卷，紫菜就几新鲜的，仲系脆的，小卷会包得结实D咁啦，里面有腐皮和海草，味道
普通，因为特价先要的。
炸鸡软骨，分量一般，拿上来的时候真系好脆，都可以噶，够香，不过放咗一阵就淋晒，一
D都唔脆啦，唔知点解咁快就潮噶。
鳗鱼炒饭，两个人，一人一细碗咁啦，炒得都几干身，味道都几香，可能豉油的味道比较好
吧，鳗鱼粒唔系好多，而且唔够肥美，吃落仲有D腥咁。
香芒三文鱼卷，开始的时候有点，发现无落单，然后重新落过，点知催咗3次，等咗半个钟
先有，连隔离台好迟先来的，依然系催单，居然比距唔比我地先，太过分。卖相几好，芒果
肉金黄色，几新鲜的，入口够鲜甜，三文鱼唔系好多，基本吃唔出肥美的感觉来，另外因为
芒果甜，整体的味道好似又咸又甜，唔多惯呢只味。不过价钱唔贵，就几抵吃。
基本来过呢次之后唔会再来，本身出品一般，价钱又贵，服务又跟唔上，真系无乜过人之处，
亦都无任何理由要我下次再来。两个人随便吃咗几样嘢，基本唔系好饱，都要过百元。
