金玉满糖

本来想去文明路果间分店，行经北京路谂到隔离惠福路都有一间，就近食算啦。
就来中午，店入边几鬼多人啦，已经！团购22蚊有两个甜品食，8种可以拣，拣咗芒果椰汁黑糯米同榴莲千层。
榴莲千层好快就上到来，芒果椰汁黑糯米可能要现整等咗十几分钟。
榴莲千层三角形细旧，估计因为一直系放响冷藏柜雪住噶，攞来出边闻唔到咩味，一口咬开来，几重噶榴莲味，而且中间噶奶油唔会好散，有冰欺凌噶口感。但好容易滞。芒果椰汁黑糯米，黑糯米噶味道俾椰汁噶味道遮住晒，芒果都几甜！
一个人食，觉得刚刚好，胃口大点噶可能仲唔够添，团购话双人餐两个人食有D夸大！
服务员一个二个都比较忙，不过态度还可以。
空间比较细，加上响闹市区，里里外外都几吵。