因为试过之前嘅经验，12点左右，就已经好多人啦，而且煲仔饭又系需要时间嘅等候，所以今次我地11点半就到左林记煲仔饭啦。我地系第一台。其实店面唔大，入面只有3,4张台吧，比较黑嘅感觉，坐系入面好唔舒服甘。不过，佢外面有一块空地，佢就开左好多张台嘅，就好似大排档甘。甘岩果日够大风，好正~~
哩度嘅煲仔饭系12-15蚊不等嘅，自己斟酌下要嘅分量啦。每次黎我都系点同一个饭，今次都唔例外。腊味排骨饭，15蚊嘅。其实分量唔会好大嘅，够饱咯。
腊味排骨饭，腊肉、腊肠、腊鸭各一件，排骨少许。仲加左d榨菜，非常惹味嘅。我觉得哩度嘅特别之处就系d饭，因为系其他店食到嘅煲仔饭，都会觉得有d烂饭嘅感觉，反而哩间嘅米饭系粒粒分明嘅，又有口感，而且仲有d腊味汁拌住食，真系正！！
腊肉，几大一件，肥瘦分明，正岩时候食，好食。
腊肠，色泽唔错哦~
排骨分量会多d嘅，味道还ok啦，不过都几多骨，好似系d雪骨黎甘。
奉送例汤一碗，普通菜汤。其实甘样嘅做法唔错，因为如果将菜直接放系煲仔饭里面，d水分就会俾d饭索左，味道都无甘好了。赞！
老板娘系负责整煲仔饭嘅，老板就开台，落单，送饭，收钱，收台一脚踢，两个人，工仔都无请，应该赚唔少啦，哈哈哈哈哈。
