凤城酒家

營業中

休息中

西村除咗周记之外， 就无咩地方有嘢食噶啦， 所以呢间店都成为咗西村附近d街坊经常帮衬既食肆（因为见到个部长同d客都好熟落）！我系第一次来噶，来到5点半，仲有好多位，服务员果阵唔算好忙， 所以招呼都唔错！赞一个！然后到6点之后，呢度就无晒位噶啦， 要坐出去外面食噶啦， 所以如果无订位的话， 一定要早d过来！呢度d价钱唔贵，但唔算好平，适中咯！不过碟头真系好大！ 2个人，点咗3个菜， 一个上汤菜心 20蚊， 一个一桶骨 32蚊，一个钳鱼煲 34蚊，2个白饭 （2.5蚊一个），茶位2.5蚊一位~ 埋单唔使100蚊！而且系饱到食唔晒！ 落单果阵， 其实服务员静系帮我地落左前面2个菜就走咗， 我地话：我地都未点完....， 然后个服务员话：够晒噶啦！ 点知真系应验咗佢果句， 斋食前面2个送都已经食唔晒！ 所以个钳鱼煲只好原封不动咁打包翻屋企！食物味道： 个一桶骨其实就系酸甜排骨， 比较酸， 分量好足，好多肉，又有好多白萝卜条垫底，味道唔错！上汤菜心，味道中规中矩啦， 不过d菜心真系好靓， 条条都系菜远嚟噶！ 由于个鱼无试到，所以唔作评价