Item: 新榮記(南京西路688店)
Rating: 4
Author: meidick

meidick

等級1

2017-07-14

每次旅行都會躊躇找餐廳開飯，但每次約這個朋友，佢都會決定去那裏及訂枱，唔靚唔貴都唔去，上年去上海灘，前年去慧公館，佢的福德宮的星光亮過我的太陽星，只忙碌於尋找享樂事。

餐廳環境帶暗，再以射燈，金色方柱，中色擺設，厚白色枱布，舒適環椅，黑色筷子襯金色筷子托及光滑白色碗碟，特出高貴形象。

餐前小食，是當做茘枝，本想開支紅酒，其中一個朋友要駕車，我們又不會喝太多，只叫啤酒，其中一罐啤酒青島原漿，廣告說是啤酒中的勞斯萊斯，只有在高级餐廳才有得飲，超级市場無得買，一罐過百元人民幣，試過不苦澀，易入口，標籤酒精濃度高，不覺。

友人本想點海鮮，但現在休魚期，海鮮無甚選擇，叫幾個小菜，佢拿主意，所以我不知真正菜名。
頭盤醬蘿蔔，射燈照著特别靚，唔太咸，唔老即嫩，鮮味，無白蘿蔔青味。醬燒竹筍絲什菌，爽口，咸中帶小甜。

炒米粉，蛋絲，葱，洋葱，芽菜，爽口幼滑，香口

朋友好欣賞。

越式牛柳，本人對牛肉麻麻，會敏感，给我感覺帶毒性，但見到樣好靚，聞好香，忍唔住試二件，外香内嫩有汁，濃郁牛肉味

阿彌陀佛，但唔知點解叫越式，無檸檬葉無薄荷葉！

淮山蝦仁，煎香淮山蝦仁（不细），淮山上枱鋪花形，香不會淋又唔係爽，滲蝦鲜味

，蝦又香又鲜

炒雞球，用金屬綑邊的木盤盛載，薑葱炒好香，乾身有汁，肉質有彈性，應先炸後回鑊炒

雪菜魷魚鬚，印証甚麼叫咸鲜，爽口，

松露菌餃~水晶皮，鵝肝包~皮像雪山义燒包，餡是鵝肝，兩樣都合乎香港高級酒樓水準。

雖然不算知己，但都能談天說地，雖然唔係拿住紅酒，但有佳餚啤酒，歡聚暢談，缘也，樂也。

因朋友請，所以不知價錢。食咗牛肉，蝦，筍，鵝肝，皮膚又來料。