影片
電話號碼
+86 22212802
營業時間
今日營業
11:00 - 16:00
16:30 - 21:00
星期一至日
11:00 - 16:00
16:30 - 21:00
以上資料只供參考, 請與餐廳確認詳情
影片
相片
+299
本來想去吃太二酸菜魚，但真的太多人排隊了，加上又肚子餓，就去食外婆家，依間店好耐前就好想去吃，但看到長龍排隊就放棄了。今次可以去試下啦，兩個人叫左四個餸，酸菜魚，一看就知道用粉醃制，一團粉咁，一啲都唔好食，好似粉團。而雞係入味既，好淋，一夾就會松開，味道係四個餸係面最好了，最最最難吃是糖醋里脊，無食過這麼難食的糖醋里脊，一塊塊粉豬油，一咬落去即刻吐出來，揀左貌似瘦啲既兩舊食都係一樣難食，整碟放棄，真的太難吃了。難食到嘔啊。唔會再去了。
繼續閱讀
五六年沒北上消費，今次姊妹帶團上深圳，真係變左好多。 姊妹帶我地黎外婆家午餐，話國家出名食府，深圳有好多分店。未到店門已經人頭湧湧，個個等位，好在我地人多，等兩張就到我地。餐牌都係一張A3張咁大張，餐式密密麻麻，食開班姊妹已經好快手咁落完單。外婆紅燒肉本店鎮店之選，半肥瘦腩肉，皮有少少脆，仲有鹹魚托底，配埋饅頭，絕配。茶春雞好特別菜式，捧餐過黎，店員會叫口號(唔係好聽得明)，講完要客人搞外殻。整理完就捧卑客人食，味道都唔錯，好入味。
繼續閱讀
先講下中伏菜式，外婆紅燒肉話就話系招牌菜，但系味道平凡，未到高水準，不過肉質系幾軟稔。蒜蓉粉絲蝦，急凍蝦，冇鮮味。小籠包，不過不失，價錢平，皮吾夠薄，肉汁都多而且吾會好油，可以過下口癮。蛋黃板栗南瓜，清甜晚南瓜帶咸香既蛋黃，好惹味既小菜。
繼續閱讀
講到深圳高性價比中菜，外婆家絕對係數一數二！ 外婆家喺深圳有好多分店，大部分主要嘅大商場都有😆 每次遠遠見到外婆家招牌，未行到門口已經見到人頭湧湧滿滿人龍！ 外婆家KKMall 分店用電子叫號等位嘅方式，門口準備咗好多凳俾等位嘅食客休息，非常貼心😆 一行入外婆家餐廳內，絕對感覺好有格調好新潮而唔係傳統古色古香嘅中式餐廳設計！ 打開睇外婆家菜單，超多選擇目不暇給！ 即刻介紹下我食咗嘅菜啦！ 1. 松子桂魚松子桂魚係炸過再淋上甜酸汁嘅原條桂魚😄 面頭放上配菜同蝦仁🍤 魚身炸脆啖啖肉好鬆化😋😋 但個甜酸汁太甜🧐 配菜有D普通，係冷藏青豆🤔 2. 外婆紅燒肉外婆紅燒肉係外婆家熱門菜之一！ 紅燒肉好入味鬆化！ 配饅頭好夾！ 紅燒肉汁撈飯都好啱😆😆 3. 想吃土豆去內地最常見嘅菜式之一離不開炸薯塊！ 椒鹽炸薯片！ 只係人仔10蚊😆😆😆 抵食有好味😋 4. 茶樹菇爆鮮魷超惹味嘅小炒😋👍🏻👍🏻👍🏻 茶樹菇健康爽脆, 配上爽口西芹同魷魚爆炒！ 香味一流😻😻5. 茶香雞又一個外婆家必點！ 茶！香！雞！ 超超超入味超軟超鬆化嘅雞😋 入味到連骨都有味😌😌😌 仲要係超抵食😆 6. 桂花山藥叫咗呢個清淡少少嘅小點😌 中和下其他香口食物嘅油膩，健康清甜😋 桂花味超香😌 7. 酸菜魚超大盤！ 超勁量！ 大大盤嘅圓周有手臂咁長😮 超多魚塊無骨超入味😊 小辣。 冬瓜酸菜底，好入味架😌 8. 干扁四季豆☺️又一個香口嘅前菜😆 四季豆香口惹味但偏鹹😆 送飯一流😆 9. 蒜蓉粉絲蝦呢個菜不過不失，味道適中😆 總括而言每次去外婆家都食到飽一飽但人均係絕對唔過100蚊人仔😆 抵食到爆啊😆😍🤩
繼續閱讀
覓食版圖走到去深圳其實深圳真係幾多美食，而且因爲國民要求越來越高，餐廳不論係餸菜素質還是店鋪裝潢方面都花好多心思。以前港人北上通常浦東門，而家多左好多大商場，基本上香港有嘅品牌，深圳都有，而且因爲地大，店鋪佔有空間都好大。今次到訪大劇院站嘅kk mall (京基100），搭綠色線同羅湖站只相距兩三站，出左閘基本上唔洗上地面已經連接倒，好方便。到了我們目的地外婆家攞飛先，再閒遊一下商場，晚上七時半二人枱已攞到76號（當時叫到38）。唯有周圍走走。除了外婆家，其實商場里仲有好多中餐廳，如果無目標真係會花多眼亂，連本來係上海好好味但現在質素差好多嘅俏江南都有。等左差唔多一小時，因為鋪頭大，流轉快，好不知不覺就等到我地喇（如果唔介意，可以拼桌，服務員時不時會嗌咪，可以即時入座。）而嗌咪時，預錄語音係一把小朋友聲「外婆叫你吃飯囉」嗌足成晚。等位期間已經揀好餸，所以入座就直接搵服務員點菜。我們二人大大小小前菜，主菜，湯點共點了七個菜，服務員貼心提醒話點得有點多，著我們減少一兩個菜。呢個又想試，個個又想食，最後減少左個小菜，繼續出單。首先上枱嘅係滷水大腸，係香港好少叫倒大腸，滷水味好香，好入味但唔死咸，咬落煙韌，點少少醋味又有另一種味道。跟住食左個外婆燒肉，九格東坡肉比舊咸魚圍住，下面加左d筍絲。其實都係蘇杭最普通有條繩紮住嘅東坡肉最岩口味。呢個東坡肉都同樣係滷入味，肥豬肉位入口即溶，豬皮亦帶口感，夾係包包入面食，減少油膩感。外婆魚頭，睇相以為係人地椒魚頭咁，大魚頭破開兩邊，加上辣醬同蒸，望落去像普通豆鼓蒸魚，食落去好辣呀，要去左d醬先食倒。魚頭魚雲位置爽滑，魚咀彈牙，魚背位置雖然多骨，不過因為蒸得剛剛好，所有事情都係爽彈滑。連平時唔食魚嘅我都補充左好多骨膠原，無叫錯呢味餸。蟹粉豆腐係最失望嘅一道餸，豆腐係好健康嘅一種食材，配上邪惡嘅蟹粉本以為會很下飯，豆腐係好滑，但完全無蟹粉味，莫講話蟹粉味，蟹味都無呀（有油嘅味道囉），最後食左兩啖。外婆家除左啤酒就無咩特別吸引嘅飲品，所以叫左個價值人民幣15玩嘅蕃茄蛋花湯。索價15蚊能夠比咩菜色？最後送上來的是一個大湯碗，應該夠一屋四人一人兩碗。雖然不是很清甜的蕃茄，不過清清淡淡很解辣。最後送上的是小龍包，亦是等左最耐嘅。一籠六隻望落好乾，一夾起皮唔係好薄所以都唔會好易穿，飲下d湯汁先，湯汁竟然係清甜嘅，大讚呢個等左最耐嘅小龍包！最後二人食左人仔258，捧住個肥皮滿足咁離開。
繼續閱讀