好耐冇去過深圳，今次個目的係為咗配眼鏡，順便搵啲好食嘅嘢。今次第一次去深圳打邊爐，我哋去响皇庭廣場嘅《就犟》(粵音：強)，主打食牛嘅火鍋，最正係佢個《就犟大團圓》，一個大圈入面有唔同部位嘅牛肉，有柔韌細嫩嘅吊龍、爽滑嘅嫩肉、肥而不膩嘅肥牛、鮮香美味嘅匙仁(肩胛)、匙柄(肩腹肉)、脆口嘅牛舌同嚼勁十足嘅胸口油(牛胸爽)，非常震撼，啲牛肉全部現場即切，非常新鮮。我哋叫左個【饕餮牛肉大團圓】4人餐，個餐包括清旨定湯底《大牛骨清補湯鍋》、《就犟大團圓》、肉汁超多同彈牙嘅《就犟菌菇王牛肉丸》、牛筋腩一碟，加上食品吧度嘅配菜、粉麵、生果任食，仲有任飲嘅酸梅湯同橙汁任飲，真係可以食到飽。最後我哋另外再點一碟吊龍同鬼毛肚，最後埋單600幾蚊，絕對抵食。…查看更多
