椿廬ChunLounge (前海壹方彙)

黑金色做主調嘅裝修風格，夠晒典雅又時尚🖤。無論係二人座、卡座，定係大氣嘅包廂都有，拍拖約會或者朋友聚餐都啱晒。喺呢度除咗食到正宗川菜味，仲可以試到地道粵菜，想食辣定唔食辣，輕鬆切換冇難度！豆花水煮魚🎣妥妥嘅進店必點，好食😋又抵食！上枱就係滿滿一大盆，分量超足。🐟魚肉新鮮嫩滑，黑豆花細膩🉑口，食落香香嫩嫩。辣度啱啱好，唔會太辣，就算唔係好食得辣都可以放心試，一口魚肉一口豆花，鮮到停唔到口！雞翼鳳尾蝦🦐造型精緻又吸睛！金黃酥脆嘅雞翼包住Q彈鮮嫩嘅鳳尾蝦，外脆內嫩嘅口感超有層次。咬開仲可以食到雞翼嘅肉香同蝦嘅鮮甜，再配埋秘制調味，鹹香夠味。無論當主菜定小食都好啱，一口一個根本停唔到！有機番茄煨牛坑腩🥩用有機番茄慢火煨出嚟嘅牛坑腩，淨係睇賣相就超吸引！番茄熬到腍爛出沙，湯汁酸甜濃郁，完全滲入牛坑腩入面。牛腩炖到腍而唔爛，入口軟嫩多汁，每一口都有番茄嘅清新酸甜，解膩又開胃，連湯汁撈飯都可以多食兩碗！🏘️門店：椿廬 ChunLounge(壹方匯店)📍地址：聽海大道5059號前海壹方匯商場L3-033號🚗交通：桂灣地鐵站A2出口#國慶聚餐  #黑珍珠餐廳  #椿廬  #川味融合菜  #椿廬原創菜  #香港人週末深圳攻略  #中秋聚餐  #我私藏嘅聚餐根據地…查看更多

環境闊落得嚟又有私隱度燈光同擺設都襯到絕 坐得超舒服💺🌶️ 豆花水煮魚魚肉鮮甜一啲都唔腥豆花索盡麻辣湯底 入口即化辣得嚟唔會搶曬味 夠曬層次🍅 有機番茄煨牛坑腩（近期至愛！）番茄湯底濃到掛壁 真材實料牛坑腩燜到淋得嚟有咬口撈飯食真係無得頂～🧈 滋味豆腐外脆內嫩 五味平衡得剛剛好簡單食材做出驚喜效果…查看更多

✨一入店就俾個環境吸引住！雅緻裝修帶輕奢感，坐低即刻舒服到唔想走～打卡位多到九宮格都唔夠放📸🐟豆花水煮魚 - 河鮮魚肉嫩滑到震！配埋豆花吸收晒麻辣精華，食完成個嘴麻痺痺超上癮🌶️🧈滋味豆腐 - 細細舊爆發出五重滋味！酸辣鹹甜香輪流衝擊味蕾，食完成日都掛住個味道～🐄有機番茄偎牛坑腩- 番茄湯底濃到黏嘴唇！牛坑腩燜到淋得嚟又彈牙，撈飯食簡直係邪惡級美味👌💖每道菜都睇得出師傅功架，擺盤精緻過藝術品！無論拍拖撐枱腳定同班friend癲都啱晒～…查看更多

近排係點評發現有個四人餐，人均¥100+就可以食到黑珍珠入圍餐廳，即刻約埋朋友一齊去試下！餐廳裝潢高檔雅致，走東方美學元素，主打川味融合菜，以川菜為基底，變化出不同嘅創新菜式，設有多間包間適合家庭或朋友聚餐，各種喜慶提供佈置服務。滋味豆腐❣️醬汁味道辣辣地，香脆可口。椒麻豉油雞❣️肉質軟腍嫩滑，味道麻而不辣。有機蕃茄煨牛坑腩❣️牛坑腩炆得好入味，味道酸甜開胃。豆花水煮魚❣️魚片滑嫩鮮香，豆花口感軟滑，魚片同豆花索曬啲湯汁，香辣惹味。雲南小菇炒幼瓜❣️炒西蘭花❣️清爽解膩清波擔擔麵❣️麵條爽口帶韌度，醬汁辣辣地，食落幾開胃。四季花饌❣️ 百合泥甘甜美味，入口綿密，賣相吸引。^_^…查看更多

今次去咗食黑珍珠入圍餐廳，餐廳主打川味融合菜，以川菜變化出各種創新菜式。裝潢融入咗東方美學設計，走高格調路線，環境舒適雅致，設有多間包間及提供佈置服務，好適合家庭聚餐或朋友慶祝。滋味豆腐豆腐炸到金黃香脆，醬汁帶微辣，食落好惹味。椒麻豉油雞雞肉十分滑嫩，豉油味道濃郁，好有驚喜。有機蕃茄煨牛坑腩牛坑腩同有機小番茄用慢火細煨，炆得好軟腍入味，醬汁酸酸甜甜，越食越開胃。豆花水煮魚魚肉口感嫩滑，豆花豆味濃郁，入口順滑，辣度適中，下飯一流！雲南小菇炒幼瓜/炒西蘭花小菇炒幼瓜口感清爽，西蘭花新鮮爽脆，可以解解油膩感。清波擔擔麵麵條爽口，撈埋担担麵醬汁，食到停唔到口。四季花饌四季花饌賣相精緻，百合泥口感綿密，甜而不膩。…查看更多

最近北上發現咗「椿廬」呢間超靚嘅川味融合餐廳，呢個商場超大，空間感好舒服，最正係食完飯再去按摩超方便！佢哋將傳統川菜技法同多元飲食元素完美融合，唔係簡單嘅改良，而係將川菜嘅靈魂用更輕盈又創新嘅方式呈現，令菜式味道層次豐富又唔失經典辣香，完全顛覆我對川菜「重口味」嘅印象。我揀咗佢哋嘅超值四人團購餐，點評團購價¥698，平均人均約¥170，超抵！💯餐單包括： 1️⃣ 招牌椒麻豉油雞（半隻）雞肉嫩滑，椒麻香辣正好刺激食慾2️⃣ 有機蕃茄煨牛坑腩 牛腩軟腍入味，搭配酸甜蕃茄湯底超開胃3️⃣ 豆花水煮魚 魚片新鮮嫩滑又鮮甜，又麻又辣好過癮4️⃣ 雲南小菇炒幼瓜清新爽口，解辣之選5️⃣ 青波擔擔麵 麵條彈牙，超有家鄉味6️⃣ 滋味豆腐、時令蔬菜、四季花饌、薄荷青檸汁，每款都好精緻，令整餐更豐富餐廳環境講究東方美學，裝修雅致，氣氛舒服，配備多個寬敞包間，無論係商務宴請、情侶約會、生日慶祝或者家庭聚餐都啱晒。最重要服務貼心細緻，好似有專屬管家款待，食得開心又自在。…查看更多

今日同屋企人去咗呢間深圳灣黑珍珠川味融合餐廳食飯，佢哋用地道食材結合川菜經典技法，揉合創新元素，菜式既保留川味靈魂，又帶來意想不到嘅新鮮感。我哋揀咗佢哋嘅超值四人餐（社交平台優惠¥698），包括有招牌椒麻豉油雞、有機蕃茄煨牛坑腩、豆花水煮魚、雲南小菇炒幼瓜、青波擔擔麵、滋味豆腐、時令蔬菜同四季花饌，全部份量十足😋水煮魚片好嫩滑，椒麻雞香氣四溢，牛腩淋得好入味，近乎入口即化，仲有清爽蔬菜中和辣味，完全滿足味蕾享受。餐廳環境雅致，包間寬敞私密，無論係商務宴請、情侶約會、生日慶祝或者家庭聚餐，都好適合💯加埋貼心服務，貴賓級的專屬享受。✨推薦必試：豆花水煮魚、椒麻豉油雞、有機蕃茄煨牛坑腩…查看更多