一支公去完華強北買完嘢，行到去華強南睇睇有咩嘢食，門口姐姐見我一個人，就話唔緊要飲支啤酒食個小菜都得㗎，既然你又冇乜客，咁我就入到去試下喇，一個人坐張方枱，都有少少唔好意思，不過唔緊要，嗌多兩碟餸啦，小炒黃牛肉，招牌菜正，湘菜特色辣度恰到好處，牛肉好入味，辣椒香蒜香齊曬，心機菜，手撕包菜，好香豬油味，仲有豬油渣添，好香口，火喉好猛，炒到好脆，呢個手撕爆菜好考功夫，有啲地方會炒到好淋，有啲又會炒到冇乜味，今次呢間就恰到好處，飲多四支啤酒，埋單都係150蚊人仔，北上消費果然平靚正
…查看更多
…查看更多
