今次試另一間嘅火鍋，上次响皇庭廣場經過見到潮發漑門面都好光鮮，而且牛肉嘅香味由店內飄出嚟，就決定咗今次嚟一定要食潮發。我哋揀海岸城呢間係因為tea要食蟹粉，同埋呢度個商場都大，順便去shopping 。我哋去到餐廳都差不多7點半，加上星期六勁多人，我哋等咗差不多半個幾鐘(我睇番一啲記錄差唔多80分鐘)先有位，真係好誇張。莫講話我哋呢班香港人，眼見都唔少本地人幫襯，可想而知呢間火鍋係幾咁抵食。响等位期間，就上社交平台睇下有咩優惠，我地5條友，買左佢「鮮牛丸4人套餐嘅券，人仔¥262，當日港幣$289.55，佢個餐包括牛骨清湯鍋底、吊龍肉、三花趾、肥牛肉、匙仁肉、鮮牛丸、牛腩、水果玉米、貝貝小南瓜、時蔬、生粿條，飲品方面就有酸奶，如果唔飲酸奶，可以要求轉可樂，真係非常貼心。除咗四人餐，因為啲牛太太太正，我地追加上面嘅牛肉外，再點佢嘅鮮和牛。的而且確，叫做和牛真係零舍唔同，果種牛香真係非一般，吊龍已經係非常正，鮮和牛簡直係神級，牛中之霸。另外我地响社交平台買咗4杯鴨屎香檸檬茶，只係¥24，係¥24人仔4杯，仲要味道唔錯，唔會太甜同太酸，堅正。呢一餐又係超級滿足，平時唔係食太多嘢嘅我都食咗勁多，堅係性價比極高，我地叫餐、另加單，再叫嘢飲，埋單只係600幾港銀，5條友食真係勁誇張。…查看更多
