嚟到海岸城梗係要搵食，見有人串紹蟹一品唔錯，藉住搵到幾個人一齊北上，就更加唔使就住就住咁食。我哋叫咗7款嘢食，佢個蟹粉個味真係好出，同埋都估唔到佢用蟹粉可以衍生咁多唔同嘅菜式，加上價格唔貴，落單完全唔使諗，叫咗先算。蟹粉春捲蟹粉味好出，炸得夠熱同夠脆，雖然26蚊人仔得四條唔算話平，但我覺得直得試。秘製雞胗（右）雞嘅胃部，同蟹粉冇乜關係嘅小食，咸咸地，如果有啤酒就更加理想。一品灌湯包（需8到10分鐘）皮厚咗少少，但冇影響到灌湯包鮮味，湯底濃郁，肉餡亦都好鮮嫩。蟹粉蝦仁撈面呢個唔係我點，所以只能觀賞。論賣相真係一流，滿滿嘅蟹粉，坐响隔離都聞到陣陣嘅香氣，見到啲蝦都唔細隻，同幾新鮮咁，睇見都流哂口水。虎皮雞爪另一個同蟹粉冇關係嘅小食。有啲奇怪係冇剪到啲指甲，加上我唔食鳳爪，所以呢個都係比我觀賞。蟹黃燒麥係燒麥而唔係「燒賣」，我上網睇呢個係閩菜，起初我地都誤會咗係等同燒賣，但出嚟個賣想就完全唔同。佢同一品灌湯包有啲似，而且係升級版，有更多嘅豬肉，菇、蟹粉，而且皮夠薄，蟹粉蝦仁大餛飩加麵條呢個我點嘅麵，嚟到見到呆咗，一碗有成8粒雲吞，我分哂比朋友，自己都仲要食4粒，仲要粒粒都勁大粒，真係好誇張。我未食過雲吞嘅皮可以咁薄，同埋餡料可以咁豐富，可以食到啲蝦好爽脆，而且食落好juicy，加埋勁正嘅蟹粉一齊食，簡直perfect。其實呢餐我哋係tea time去食，已經食咗咁多嘢，講真真係好滿足，去深圳真係唔會想比自己個胃有空間。…查看更多
