影片
特色
飲喝聊天
營業時間
今日營業
10:00 - 22:00
星期一至日
10:00 - 22:00
以上資料只供參考, 請與餐廳確認詳情
北上同小朋友瘋玩成日，肚仔餓到 “咕咕叫”，見到農畉門口夠清淨，就帶住一家大細入去試新野，點知一試愛上！依家即刻同大家分享呢間寶藏餐廳～🌿一推門就被靚到！雪山壁畫襯埋木系裝修，成個空間充滿自然氣息，打卡一流📸～座位闊落唔逼夾，帶小朋友都夠晒舒適，就算傾計傾耐啲都唔怕阻住隔離檯，加分！✨烤豬頸肉（¥68）先黎個前菜，豬頸肉切得厚薄均勻，色水靚到流口水～入口嫩滑，熏香淡淡嘅唔會搶戲，但個蘸醬就 “殺食”！酸甜中帶少少辣，不過個人覺得辣度可以再減少啲（可能我唔太食得辣）。配埋烤餅一齊食，層次感豐富，正！✨蔬菜沙拉配三文魚鮮蝦全餐（¥78）呢個必點！芝麻菜鋪底，上面嘅三文魚煎到金黃，外脆內嫩，一刀切落去肉汁都流出黎～太陽蛋仲係流心狀態，戳破後撈勻成碟沙拉，creamy 到不得了！最驚喜係底層有蛋餅，雖然份量唔多，但女仔食就剛剛好，健康又飽肚～✨黑松露風乾火腿 Pizza（¥78）成晚最驚喜！薄餅底脆到 “喀喀聲”，拎起黎都唔會軟塌塌～鋪滿黑松露醬、蘑菇同風乾火腿，芝士一拉絲就知用料夠靚！咬落去鹹香濃郁，芝麻菜又帶黎清新感，完全唔會膩，連小朋友都話 “好好味”！✨玉米脆片（¥48）呢個蘸醬真係靈魂！玉米片烤到脆卜卜，淋上融化芝士，再蘸埋酸奶油醬，酸甜濃郁，簡直停唔到口！番茄丁又增加咗清新感，作為小食一流～✨炸薯條（打卡收藏免費送）熱辣辣上台，金黃酥脆到 “卜卜聲”！咬落去外層脆到發出聲，入面軟綿綿，再灑上芝士碎同香料，鹹香夠惹味～小朋友食到停唔到口，記得趁熱食先最正！💁店員態度超親切，一入門就幫手揀靚位，見到有小朋友仲主動提供兒童餐具～全程加水超及時，有求必應，呢個必須讚！環境靚、出品好、服務貼心，最緊要價錢親民！北上玩完想食餐好嘅，呢間絕對係好選擇～尤其是 Pizza 同玉米脆片，已經心心念念下次再黎試其他菜式啦！記得早少少黎，晚市可能要排隊架～
繼續閱讀