喺YouTube睇到呢間店嘅探店視頻，自己從來未食過安徽菜，即刻心思思想去試下。我地喺平台買咗個 618 蚊嘅兩人餐，除開甜品、果盤，套餐入面仲有 9 道餸。最窩心嘅係，食到後面驚我地未飽，仲主動送多咗一份餸俾我地，呢種貼心度真係好少見，服務超加分！一開始先上咗兩份涼菜，味道中規中矩但清爽開胃。呢道係招牌菜來嘅，濃香咸淡岩岩好。綠豆餅炒青菜饊子係炸過嘅好香，搭配豆芽食起身超脆口。雞肉口感有啲靭，唔係我地廣東人慣食嘅脆口雞，感覺比較一般。呢個係我最鐘意嘅！藕絲爽脆，咸肉香味足夠，炒得好入味，送飯好正。第一次試呢種魚，因為個名嘅原因，一開始有啲驚唔好食，點知食落去又好OK，冇想像中咁難接受，最後成條都俾我食曬。呢道係店家送嘅，韭菜花爽嫩，臘味夠香，配飯好正。套餐嘅主食係大餅，聽講大餅係北方菜常配嘅主食之一，蘸啲餸嘅醬汁超吸味，口感鬆軟，配餸味道唔輸米飯。大閘蟹有啲可惜，食起身個味麻麻地，冇咩驚喜。間店嘅位置環境比較一般，想入去要先行過一間間外賣店，行嘅時候有啲唔舒服，感覺有啲亂。不過入到店入面就好好多，環境整潔，間大廈有東西兩部電梯，坐電梯上落都方便，就係要揾啱個方向。可惜個入口體驗太差，呢點要扣啲分。不過服務係要俾滿分嘅！老闆同廚師都係安徽人，服務夠晒熱情，仲有兩位侍應係廣東人識講白話，全程溝通冇問題。菜品方面，對于香港人嚟講，第一次食安徽菜，最大感覺係偏咸，不過聽店家講安徽菜本身就重口味，咁都算合理，總體嚟講食得都開心嘅。…查看更多
