影片
距地铁1号线罗湖站出口步行140m
繼續閱讀
電話號碼
+86 15807553798
營業時間
周一至周日 06:30-10:30 12:00-14:30 17:30-21:30
以上資料只供參考, 請與餐廳確認詳情
招牌菜
其實月前係香港同集團酒店品嚐過清真食物為主的齋戒月自助餐，想不到就連深圳的羅湖香格里拉同樣有相近的推廣，看來信奉回教的朋友可不少，又可開拓出新市場，是一個雙贏的局面。就在餐廳入口處已有化身成中東美女的服務員在替客人煮摩洛哥薄荷茶以及卡拉克奶茶（Karak Chai）。烤肉拼盤一個特製勁大烤肉拼盤，內裡有齊牛肉串、烤羊架、烤龍蝦、烤生蠔，以及阿拉伯肉飯，不單充滿了異國風情，而且每款一件都差不多半飽。海鮮在大堂正中位置，有隻碩大的漁船，上邊擺滿了各色各樣的海鮮。有齊扇貝、花蟹、瀨尿蝦、海蝦、墨魚仔、青口、長腳蟹爪及翡翠螺，仲要毫無雪味。刺身說真的，內地很多酒店的刺身都是一般，香咖啡的質素已是不錯，而且有三文魚、吞拿魚、八爪魚、鯖魚、希靈魚及鯛魚，賣相及口感，都及得上香港的酒店出品。湯品燉湯一向是自助餐中最受歡迎的菜色之一，因為係屋企好少人會浪費柴火去燉，今次仲要係排骨湯及蟲草花烏雞湯，好滋補又酥香，一口氣來兩碗跑不了。火鍋一如好多內地自助餐，都會有火鍋提供，去過羅湖同福田香格里拉都知，佢地火鍋勁認真，比起香港好多連鎖快餐店的好得多。單是牛肉已經有肥牛、嫩肉及吊龍，仲要係質素好好，嫩滑有肉味，絕非濫竽充數之流。配料又豐富，有生菜、白菜、小棠菜、牛丸、墨魚丸、豬肉丸、娃娃菜、皇帝菜、午餐肉、蕃茄、冬菇、響鈴、豆卜、秀珍菇、金菇、公仔麵、米線、青口、海蝦、沙白、墨魚仔、瀨尿蝦以及海蜆，係咪勁多種類呢？加上啤酒任飲，講真，單係食火鍋都值回一二百啦！麵檔喜歡澱粉質，不如來碗麵，湯底有奶油南瓜湯、冬陰功湯及自製辣沙湯底選擇。至於配菜，亦可以選擇火鍋料，絕無問題。熱葷有咖哩魚丸、孜然牛肉、羊雜、香辣花甲、芋頭蒸排骨、避風塘炒蝦、三絲炒麵 及揚州炒飯。此外，更有鹵水雞蛋、鹵水豆腐、鹵水五花肉、港式烤雞及港式燒鵝，感覺上同香港酒店的菜色無異。當然少不了芝士拼盤、cold cut及雜錦壽司。清清地又可以來一份DIY沙律。甜品內地品牌翡冷脆，口味獨特，分別有朗姆葡萄酒、草莓戀曲、法式香草、翡翠抹茶及比利時朱古力，食落跟好多名牌不遑多讓。甜品區仲有法式香草焦糖布丁、榴槤班蘭瑞士卷、草莓泡芙、巧克力樹莓慕絲、慕斯盃、巴斯克蛋糕、macaron、烏龍茶水蜜桃慕絲、香草櫻桃慕絲、巧克力樹莓慕絲、法式香草焦糖布丁 、青蘋果凍、芝士蛋糕及巧克力布朗尼，種類好多。其實深圳自助餐的性價比一向如果有機會過夜，不妨試試酒店自助餐，好多都有驚喜，例如上次福田香格里拉自助餐就有活龍蝦兩食，新鮮即榨橙汁同蒸鮮魚，都係￥500左右，家陣人仔仲要同港幣差不多1：1，係咪仲抵先？
繼續閱讀