之前兩次光顧都是其他分店，皆因每次到來都超多人排隊。但今次到來，竟然冇人排隊且能即時入座。究其原因，除咗客人對該店嘅新鮮感已退，更重要係價錢真係唔平，加上冇任何優惠，食物質素亦未算突出，所以性價比極低。而且，服務方面，相比其他食店完全冇進步，甚至退步。店員嘅態度及講解，完全未能達標。男侍應更加禮貌欠奉，完全唔識考慮收拾枱面嘅空碟，騰出空間，才放新的食物上枱。食物方面，海皇湯足料，三叔烤台山大對蝦惹味。除此以外，其他食物都冇乜特別，甚至乎有些強差人意。蒜蓉蒸大元貝： 元貝大細都幾參差，口感一般，反而香港煮得仲好食些。豉油皇鵝腸：鵝腸唔爽口，偏咸。煎蠔餅：蠔唔多，更食到滿口油，唔想浪費食物嘅我都要放棄[弱][弱]撈汁花甲(冷盤)：上枱超細份，邊似中份，收費¥79，仲貴過香港價錢，真係唔值。椒鹽九肚魚：真係唔知椒鹽定酥炸，完全冇椒鹽，炸皮又厚，食完都唔知自己食緊九肚魚。評價到呢度算啦，又係時間尋找另一間物超所值嘅食肆，但我相信唔係今次食呢間囉。…查看更多
