各位團友終於黎到最後一站,第五站既木屋燒烤再食,食埋可以攬住個肚返香港喇!又會勁多食客等位呢,見附近幾間食肆生意都麻麻乍喎,木屋真係咁好食?我地一行三個等位都等到嘔,間期見好多美女路過,都可以消磨下時間。

時間飛逝,30 分鐘後終於有位,不幸地要坐室外無冷氣帳幕位,是但啦,最緊要快,我都好睏喇。好鍾意觀賞大陸 menu,英文譯得 super funny,好鬼正,哈哈。鴨腳叫 garlic、毛肚叫 duck,勁搞笑!

依家連中式燒烤食肆 menu 都要加上食療功效,果真係大陸文化。烤生蠔,男人加油站?您地係勁既,哈哈。menu 上還印上所有分店地址,估唔到木屋燒烤已經係大陸有幾十間分店,咁利害?從來未聽過。已經研究得七七八八,可以 order 野食喇,木屋仲有羊蹄、羊腰、里脊肉供應,可以一試。

環顧四周,食客坐得密密麻麻,有幾班仲要搭檯添,氣氛都好熱鬧,侍應都好主動服務,轉個不停。本想飲杯茶濕濕口,但隻茶杯洗極都油淋淋,仲有油浮係茶面添,茶都唔咁飲,好驚呀!唯有試下用啤酒飲杯飲茶啦,點知都一樣係油淋淋,仲要有脣印,救命 ﹗我地最後決定飲罐裝飲品,用飲管安心好多!經過剛才脣印酒杯同油淋淋茶杯事後,依家仲震緊呀!

燒生蠔,等左廿分鐘終於送到,侍應稱因為太多食客棒生蠔場,訂單多到燒唔切呢 ﹗賣相有點可怕,入口微暖,唔熱架喎,半生熟得唔得架?太多 order 求其出貨?算數,照食,死就死啦!味道鮮甜肥美,加埋蒜蓉幾好味,不過為何辣椒唔見左呢,居然可以漏左落咁搞笑?

燒元貝仔,size 像 BB 一樣,味道鮮味都中規中矩、不過不失。爽彈元貝加上蒜蓉辣椒好惹味!但係唔夠熱囉。勁辣羊蹄,我以為自己接受得到,但望住佢既腳甲,有點反胃頂唔住,硬著頭皮試左幾口,最終都要棄!口感只得膠膠羊皮,完全無肉,只能夠損腳指、損骨頭。味道勁辣,真係堅辣,連我都滴晒汗!

燒原條茄子,終於有道菜係穩穩陣陣、熱熱辣辣,可以安心地食喇。蒜蓉加豉油撈上棉棉多汁茄子肉,滿意非常。燒里脊肉,雖然肉質偏乾,幸好肉味香濃,而且非常有嚼勁,香口合格。

燒雞心,又乾又咸又唔新鮮,肉質腍劈劈,醃味濃而濁,帶點孜然味。我由細到大都好鍾意食雞心,到今日為止食過最難食既,不過都食晒。燒羊排,睇落以為好巨形,一反轉原來薄依依又肥騰騰,骨多肉少,幸好味道合格乍。濃厚孜然味帶微辣,乾身有趙口,似食羊肉乾。

中國茶
燒生蠔
燒元貝仔
勁辣羊蹄
燒原條茄子
燒雞心
燒里脊肉
燒羊排
(以上食評乃用戶個人意見 , 並不代表OpenRice之觀點。)
用餐日期
2014-12-27
等候時間
30 分鐘 (堂食)
人均消費
¥200 (晚餐)
1
味道
2
環境
2
服務
1
衛生
1
抵食
1
0
餐廳其他食評
木屋燒烤 (羅湖)
好好味的燒烤
今曰同三個姐妹去食,食左四百幾人民幣,超級抵食,香港的燒烤水評是不能比的,韮菜夠入味,雞軟骨、扇貝、生蠔燒得一流,金菇、茄子很入味,全部野食都好好味,但是個人覺得燒娃娃菜不應該放醋,
飛敏
等級1
2018-11-26
木屋燒烤 (羅湖)
不錯
早幾天去了不用排隊就有位,整體食物味道不差,但茄子煮法比其他燒烤店不同,不過味道還可以!還有它賣的飲料種類很少,只有一種果茶、汽水、椰汁、王老吉和其他主要是酒水,沒有一款是我有興趣的,幸好它對面有一家
金融夜遊人
等級1
2017-10-30
木屋燒烤 (羅湖)
另一番風味串燒店😎
同男朋友拍拖一天遊,上左深圳東門行街男朋友夜晚要扭食串燒,就搵到呢間有好多分店既~木屋燒烤環境到係裝修到木屋咁既感覺我地叫左生蠔半打、連殻燒帆立貝,配料係充滿蒜同辣椒同葱,好香濃,但一向重口味既我,
LoLokSze
等級1
2017-10-20
張貼
張貼
張貼
張貼