近來加操跆拳、泰拳搞到全身肌肉痛、筋骨痛!今晚終於有時間北上搵醫師治療下,試新場東方棕泉,朋友推介按摩技帥按得非常好!

又有 funny 中文英 menu 睇喇,我最大既娛樂,嘩哈哈 ﹗雪梨汁 Sydney juice、羊桃汁 Star fruit juice,香煙 menu 都好有趣,哈哈。

沖完涼、焗完桑娜,去大堂做完腳底、採完耳,依家去餐廳食個豐富晚餐就可以去按摩喇!餐廳都寬敞既,有卡位有方檯,但密度比東方園高好多,幸好都算坐得舒服。首次探訪,隨便叫幾個?試試。食物滿意,技師手藝好,真係唔錯!幫我拉返鬆晒筋腱同肌肉,舒服晒!

海底椰響螺湯,老火燉湯火侯十足,螺味特濃出眾,湯底甜美熱燙燙,飲完暖笠笠,好舒服滿足 ﹗就算湯渣都好有味道,螺肉、海底椰都盡收肚內。

燒腩仔,外形美觀討好,師傅耐心地將腩仔排列整齊。檢查一下,層次分明,嗒落味道細緻、質感豐富。脆脆腩皮、薄薄油脂、爽滑脂肪、棉滑瘦肉、咸香醃肉,混為一體,肉汁處處,沾上黃芥辣裀添情趣。

煎墨魚餅,難得一見煎得脹卜卜喎,香港見親都係扁塌塌的。除左墨魚膠外,還混有粟米粒及甘筍粒,帶出天然甜味,墨魚彈牙,煎得金黃香口,味道質地都讚,但油膩感終於不能?去。

泰式魚翅羹,魚翅足料無欺場,配料欠奉。豉油雞湯底味道平庸,單調乏味,一試無妨。粉絲蟹煲,蟹 BB 無肉食但有少少膏,粉絲散發著微弱蟹味,捲著蔥花蒜蓉連豉油汁同起,不過不失。

滑雞粥,粥底泛著超濃郁雞味,點做到架?無理由可以那麼濃味囉。粥底棉棉滑滑,雖然雞件味道同質地平平,但個粥真係好味喎。榴蓮酥,外脆內軟,榴蓮肉幼滑,味道霸道,食完唔好行太近呀 ﹗

海底椰響螺湯
燒腩仔
煎墨魚餅
泰式魚翅羹
粉絲蟹煲
滑雞粥
榴蓮酥
(以上食評乃用戶個人意見 , 並不代表OpenRice之觀點。)
用餐日期
2014-06-02
用餐途徑
堂食
人均消費
¥200 (晚餐)
推介美食
滑雞粥
3
味道
3
環境
3
服務
3
衛生
3
抵食
0
0
餐廳其他食評
東方棕泉國際會所 (皇崗)
情迷神州點點心!
迷失在神州!鬧情緒酒後孤單上路,do you know I miss you so much!即興爆醉單拖北上食個‪清晨五點‬早餐!點解羅湖過關不見港民通道既?只有外國民通道喎。原來閒日北上係超
奧志雷
等級3
2020-04-28
東方棕泉國際會所 (皇崗)
跟凱彤約好的小籠包!
落馬洲深圳河黃昏多麼美!羊年最後一次北上,下星期就飛美國連續勞役 3 星期無假放喇!約好的小籠包本應係尖沙咀食,點知被飛機!嬲嬲地上大陸按摩順便獨淘醉!小籠包,勁正呀!香港既酒樓拍馬都追唔上!
奧志雷
等級3
2016-05-09
張貼
張貼
張貼
張貼