落馬洲深圳河黃昏多麼美!羊年最後一次北上,下星期就飛美國連續勞役 3 星期無假放喇!約好的小籠包本應係尖沙咀食,點知被飛機!嬲嬲地上大陸按摩順便獨淘醉!

小籠包,勁正呀!香港既酒樓拍馬都追唔上!點心高質好食,竟然連小籠包都做得如此出色,太厲害喇!豬肉上湯灌得滿滿的,皮薄但充滿彈性及韌度,將湯汁保存得安全萬分、妥妥當當!

先將新鮮出爐熱騰騰小籠包掉落浙醋中微微降溫,立即整粒啪入口,汁液一滴不漏全收口裡去。溫度剛好燙嘴,係最美味既溫度。大量肉汁非常香甜,充滿豬肉味道,肉餡鬆化帶嚼勁,可口無比,無得輸既超級美味!一籠四粒唔夠喉啦,我可以連食一打!

田雞粥好味,點解唔比雙併田雞滑雞粥呢?又會白痴既,只有 menu 上有寫既雙併先可以食。香甜棉滑高質數,完全超出我既預算!居然骨場餐廳有如此美味粥品。加榨菜食更添風味,咸爽撞甜滑夠突出,好好味,豉油、胡椒粉都慳返。

田雞雖然新鮮度欠棒,骨多肉少未見肥美,肉味強差人意無咩味道,不過粥底既香甜已彌補左佢既缺陷。點會咁好食架?粥底綿滑味濃,雖然無田雞味。我一向食唔到生蔥,會反胃。今次挑戰極限倒晒全部榨菜及生蔥落粥度,撈埋食原來非常清香惹味!

第一次無反胃感覺,到底係我飲醉?還是香甜粥底已完全蓋過生蔥既草腥味?田雞肉雖味淡,但肉質彈滑。榨菜咸咸爽爽跟粥底合拍非常,超水準!美味致極,連碗都想舔埋呀!

水晶蝦餃,味道出眾,好食。蝦仁爽彈,仲有爽甜筍粒添。唯獨蒸得有點過火,皮開肉綻,有點過濕而黏黏的。先試原味非常滿意,之後當然浸豆瓣醬食啦,帶點咸辣味更開胃,最適合無辣不歡的我。

魚香茄子炆伊,睇樣完全唔知係咩黎,賣相差到不得了呢!伊麵碎濕濕又散筲筲,我無叫碎上架喎!搞到要用羹畢黎食。大量味道極濃既肉鬆咸魚汁將所有麵條包得牢牢,每啖濕潤 juicy。加上去皮茄子炆得滑溜軟棉,全部材料一次過倒入口超級滿足興奮,非常惹味好好食!完全消滅一滴都無剩,辣椒醬都唔洗出動喇!

孤單情緒惡劣獨行鬆鬆骨!食飽飽暖笠笠等按摩。
小籠包
小籠包
田雞粥
田雞粥
田雞粥
水晶蝦餃
水晶蝦餃
(以上食評乃用戶個人意見 , 並不代表OpenRice之觀點。)
用餐日期
2016-01-17
用餐途徑
堂食
人均消費
¥250 (晚餐)
4
味道
4
環境
4
服務
4
衛生
3
抵食
0
0
餐廳其他食評
東方棕泉國際會所 (皇崗)
情迷神州點點心!
迷失在神州!鬧情緒酒後孤單上路,do you know I miss you so much!即興爆醉單拖北上食個‪清晨五點‬早餐!點解羅湖過關不見港民通道既?只有外國民通道喎。原來閒日北上係超
奧志雷
等級3
2020-04-28
東方棕泉國際會所 (皇崗)
棕泉技師頂呱呱 ﹗
近來加操跆拳、泰拳搞到全身肌肉痛、筋骨痛!今晚終於有時間北上搵醫師治療下,試新場東方棕泉,朋友推介按摩技帥按得非常好!又有 funny 中文英 menu 睇喇,我最大既娛樂,嘩哈哈 ﹗雪梨汁
奧志雷
等級3
2016-06-16
張貼
張貼
張貼
張貼