乌油油小剑的個人專頁

有幸参加了爱陌访活动。柠檬叶越式餐厅是这次受访餐厅。晚上6点来到餐厅，好静，客人不多。环境不错，装修带有越南特色，面积较大。经过一轮挑选，我们点了：越式春卷、越式茄汁牛腩河粉（大）、春卷扎肉檬、马拉盏炒通菜、泰式菠萝炒饭、椰盅虾、碳烧猪颈肉、飘香柠檬叶蒸鸡、椰青焖猪肉煲。饮料选了：鲜榨芒果汁、鲜榨橙汁、越式苏打酸梅。刚点菜不久，菜不断送上：越式春卷：味道不错，可惜等我们照完一轮相时皮已不脆。越式茄汁牛腩河粉：汤没啥味道，好淡，好在河粉爽口又有弹性。春卷扎肉檬：把混合酱料倒入碗中再与所有食材搞均，味道带酸，开胃。马拉盏炒通菜：最赞的一道菜，够窝气又好味，通菜又爽脆。泰式菠萝炒饭：料少，饭又不够干身，一般。椰盅虾：正所谓好看不好吃的一道菜，盅里的汤不知所谓，虾倒是新鲜弹牙。碳烧猪颈肉：烤得不错，肉质不会太干，吃时感觉细嫩。飘香柠檬叶蒸鸡：鸡够滑，但没鸡味，不是我的菜。椰青焖猪肉煲：五花肉入口即化，无油腻感，不错！我点的芒果汁稠稠的，绝对是鲜榨的，香浓美味，口感超越好多餐厅的所谓芒果汁，赞！总的评价：价格中等，出品可以。看过菜牌，有下午茶供应，价格为二十几元，抵食！…查看更多

家中老人叫我们来这吃饭，说是新开的店。来到一看，就是原来的楹记。装修不变，员工大部分都是旧员工。菜单变了，大多数都是20几文，价钱唔算贵。大厅基本坐满，可能都是来试新的。姜汁炒芥兰苗（20）：芥兰唔够嫩，带点苦。上汤窝蛋浸有机菜叶（16.8）：这个还行，起码西洋菜嫩嫩的。家乡豉油碌鹅（28）：味道偏甜，鹅肉有渣。脆皮炸大肠（33）：就得外皮脆，一D味都无，碟头细，下层垫的是咸酸。隔水蒸鸡（43）：成晚唯一好食的餸，有鸡味，D汁用来捞饭一流。红烧乳鸽（16.8）：皮脆，肉嫩，但不入味。筒骨煲淋萝卜（28）：最差的一个，萝卜唔淋，筒骨仲带血。退货，重新加一个隔水蒸鸡。豉汁蒸河鲶鱼（28/斤）：条鱼好削，味道还行。埋单290.5，人均30几。出品一般，但价钱便宜。…查看更多

在附近睇完电影，怕路上堵车，就打算在附近食佐饭先返屋企。在汇锦新天地转佐下，依边生意好淡，冇嘢啱我买。本来想去3楼的太洋海鲜酒家，谁知太早了仲未开始营业，只好来到2楼的表舅茶餐厅。餐厅比一般的茶餐厅都要大，干净、明亮。睇过菜单，觉得价钱偏贵，热奶茶都要15文一杯。想试下D烧味，行佐去厨窗睇过，“色”唔得，打消食的念头。我要佐个石窝美国黑椒牛肉饭（38），配例汤。朋友要佐个咖喱鸡扒饭（30），配例汤。石窝美国黑椒牛肉饭热辣辣，牛肉切到一条条，加佐黑椒都几辣，味道可以，份量较细。咖喱鸡扒饭：鸡块好少，咖喱唔系太辣，好香，朋友食到干干净净。埋单打9折，61文。出品一般，坐得还算舒服，较安静，WIFI给力。店员素质有待提高。…查看更多

去太古仓睇电影，路过依间店，见到唔少人帮衬，就入去试下。环境一般，大排档风格，台又摆得密，舒适感麻麻哋。来到梗系要试下鸡喇，两个人点佐半只白切鸡项（38）、腐乳通菜浸鹅肠（35）、蛋角煲（16.8）。白切鸡项：鸡肉紧实，好有鸡味，唔错。其余两个菜味道都OK。埋单95文，消费属中等。中午好旺人，坐满。主打湛江菜，有白切鸭、白切狗、白切猪肚等菜式，有机会去试下。…查看更多

在锦城花园会所的2楼，好易搵。晚上食饭的人好少，成个大厅得6张台，静嘤嘤，无气氛。环境就一般啦，比大排档好D，空调仲算足。锦城百福鸡：皮爽肉滑、有鸡味，成晚最好食就得佢。招牌叉烧：全瘦，干猛猛，好鞋口。清蒸鲈鱼：不足一斤，腥，无人食。花甲肉蒸水蛋：不过不失，只系老人家中意食。姜汁芥兰：有锅气，不过芥兰有D苦。西湖牛肉羹:用牛肉碎做成的羹，味道仲可以。姜葱拌粗面：本来D面都唔错，可惜油太多啦，剩低好多。出品一般，但店员的服务态度唔错。…查看更多

去北京路广百买嘢，先响依度填D嘢落肚。环境仲可以，位置就逼D喇。报上号，点心好快上佐嚟：榨菜云耳牛肉肠：不过不失，D馅几爽口。蚝油菜心：菜心好嫩。越式糯米餐包：一般，我嫌皮太厚，皮薄D会好食D。虾饺皇拼潮州香芹粉果：虾蛟爽口，味道都唔错，可惜皮穿孔，漏了汁。粉果也不错，味道啱我。豉汁蒜香排骨拼好味酱蒸凤爪：想唔到排骨整得几好食，食到停唔到口。凤爪一般。泮塘马蹄糕：差，好削。赠送的糖水：系红豆沙，好杰，啱我。比网上的差评依一餐我觉得仲可以，起码食物上台都系热辣辣的，以北京路的租金加现时的物价，依个团购完全可以接受。…查看更多

趁早上去花园酒店办事，顺便来荔湾亭食早餐。当时就快11点喇，有一半的空位。依度的装修有D旧，唔系太中意。早茶到11：30，中午的点心纸系唔同早茶嘎，品种少D，价钱又贵D。到佐依度，当然食佢最又名的艇仔粥喇，再加一碟鲜虾拉肠。艇仔粥（34）仲系咁好食，粥底好绵，但系D粥料变佐喔，无蛋丝，但増加佐鲜虾。鲜虾拉肠（28）好滑，D虾大只又爽口。埋单：34+28+12（普洱茶）=74x15%(服务费）=85.1元老马识途，马上递上建行信用卡，嘻嘻，帮我减免左点心的服务费9.3元点心价钱可以接受，但茶位太贵喇，接受唔到。…查看更多

朋友在网上购了4人的套餐，把我也叫去了。酒家在南天国际商务中心后面，不在马路边。门口有大大的停车场，开车来挺方便的。酒店装修不错，大厅的布置较舒适，空调还行。朋友在16种点心中选了8种：排骨蒸肠粉：卖相唔靓，味道可以鲍汁珍珠鸡：我没吃，不评论外滩小笼包：不喜欢里面的绞肉Q味蒸凤爪：有D辣，够淋蒸液明虾饺：虾够爽，但好袖珍上汤灼时蔬：菜心好靓，够大碟鲜竹笙百合粥：里面还有瘦肉，较清淡黑椒牛仔骨：骨多肉少，肉质一般总的评价：出品不过不失，分量还可以，以88元来说，抵！服务态度唔错，加水、换骨碟勤快。…查看更多

某天中午路过，因无食早餐，肚好饿，见到依间嘢装修都几靓，一于入去试下。果时刚过11点，店员仲响度搞卫生，我又系第一个顾客喇。店铺都几大，装修较现代，台的间隔比一般茶餐厅宽，坐得较舒适，空调又足。点佐个菜远牛肉饭（25），加多个奶茶（9）菜远牛肉饭拎上嚟时吓亲人，好大个碟，好夸张。菜远牛肉饭里面有牛肉、菜心、咸菜粒、煎蛋角，份量都唔细。除佐牛肉老佐D，其他都OK。奶茶属茶味较浓果种，唔系咁多人中意，我就无问题。可能我食得较早，并无网上所说的那样要催餸，上菜较快。埋单：34元，依个价钱就贵左D喇。…查看更多

依间店好细，行过都唔多觉，就在37º2对面。寿司细细旧，3文一件，唔系好抵。见到依间店做团购，套餐内有香煎三文鱼皮寿司、立鱼寿司、希鳞鱼寿司、螺肉寿司、红蟹籽寿司、香芒三文鱼沙律寿司各一件，鳗鱼小卷、三文鱼小卷各3件，才9.9文。考虑到离家唔远，就团佐份比家中老人试下。比预约时间早佐半个钟到，师傅叫我等等，马上帮我做，态度真唔错！肉类新鲜，切得好薄，饭团就太松散喇，用筷子一夹就散开。配的酱油好咸。家中从未食过寿司的老人讲得最搞笑：寿司原来就系一旧饭团，上面有D肉。哈哈，佢哋中意食。见反应唔错，又去团佐份双人套餐，等佢哋一次过食到够为止。…查看更多

今日中午成班好友约在此食饭。从下渡路开车过到嚟，一小时十分，都唔近。唔知同开佐学有无关系，今日居然有好多位剩。等齐人，由熟客点餸，我哋负责食餸，哈哈。好快D餸摞佐上嚟：首先系凉瓜汤，同我哋下火。再上豆腐煲、沙姜猪肚、罗汉斋、铁板生肠。大家忙住影相，发微博，未得闲食。听见“哗”的一声，原来系主角“烧排骨”到了。好大一块，已沿着排骨切成一条条。一人揸住一条烧排骨，香喷喷，热辣辣，食到停唔到口，我又忍唔住再食多一条。跟住又上佐腰果肉丁、烧鸡、菜心炒鸡杂、鸡杂饭。咁多餸大家好勤力食都食唔嘢，只因碟头大，又点得太多喇。后嚟发现烧鹅未上，催促后十分钟才拎上嚟香喷喷的烧鹅引得我哋纷纷动筷，评价：正！色、香、味皆全。依度环境唔错，绿树成荫，大热天都不觉得热。除佐烧鸡烧得唔靓外，其余味道都可以。特别吸引我的系烧排骨、烧鹅、鸡杂饭。感觉唔错，有空带家人嚟试下。…查看更多

上网睇见依间店有鲍鱼煲鸡、肥肠鱼食，网友话唔错，就记住喇。某日中午经过，一于入去食下。两个人唔知点咩好，就点佐肥肠鱼、腐乳浸通菜。肥肠鱼（58）：拎上嚟就闻到好香，见到D鱼片唔系好大件，问佐先知系乌鱼片，鱼片滑嫩，猪肠唔系肠头，太瘦，下面垫住都系萝白，鱼片同猪肠就得上面果DD，量少唔够喉。腐乳浸通菜（25）：腐乳汁做得唔错，通菜够爽嫩。环境一般，中午唔旺，大把位，路过可一试。…查看更多

以前住金花街常在此食早餐，感觉肠粉同鸡粥唔错。前几日经过，入去怀旧下喇。唔系好饿，就叫佐碟牛肉肠试下。客人唔多，但系足足等佐十分钟先有得食。第一啖就食佐旧猪肝，原嚟D牛肉混入佐猪肝，真系乱晒龙。肠粉都算滑，但D肉唔多掂，有异味。比起以前，依间嘢真系差佐，无论服务、出品。…查看更多

朋友一直向我推荐这里的白切鸡，终于前几日中午大家都得闲，马上过嚟试下。过到去11点15分，客人唔多。环境唔错，装修精致，座位安排合理，感觉舒适。服务员问我食饭还系饮茶，饮茶坐大厅果边，我先知依度有茶饮。食饭的可自己挑位，我怕嘈，选佐个细细的偏厅坐。依度系朋友的饭堂，理所当然由佢点餸喇：半只白切鸡（88）、珍珠蚝仔饭（78）、香麻中华海草（18）、风味河虾仔（22）。推荐：白切鸡：配有泰式酱料和酱油。实际上鸡已有咸味，唔使调料。鸡肉较实，有鸡味，皮爽。珍珠蚝仔饭：炒得较干身，加有蚝仔、虾仔、肉碎，真系正到庳，我依个唔中意食饭的人都食佐碗半。风味河虾仔：好香口，餸酒一流。由于鸡、蚝仔饭都几量足，两个人除佐海草食晒外，其他三样都剩番唔少。咁靓D嘢唔好浪费，通通打包，回家做宵夜。埋单：218+5%服务费+2X6（茶位）+1(打包）=230，人均115。出品唔错，价钱小贵。…查看更多

依间档就在稻香的楼下，我被朋友带来食榴莲酥。下午茶时间都几旺，不过仲未使等位。三人点佐：高汤小笼包、榴莲酥、煎窝贴饺、三丝炒面。榴莲酥：里面的榴莲够香，不过加佐太多粉，唔中意。朋友话出品比以前差佐。高汤小笼包：汤汁唔够多，味道一般。煎窝贴饺：煎得唔够香，一般。三丝炒面：炒得干身，色、香、味均可。下午茶有8折。依度出品一般，价钱唔贵，适合大家坐低倾下计果种。…查看更多