猫小妖魔魔的個人專頁

我好中意食零食，对于一个零食控嚟讲，春之花当然系一个不得不去嘅地方~貌似间间春之花俾人嘅第一感觉都系逼，货架之间嘅间距比较细，所见之处，都堆满零食~呢间都唔例外~呢度出售各种各样嘅饼干、糖果，连进口嘅零食，都有得出售~价钱就冇缤缤咁抵~不过就比超市要便宜好多~…查看更多

中意帮衬华辉，主要系因为价钱比较实在，上餐速度比较快，环境又比较干净整洁。我一般点冬茹肉片肠+皮蛋瘦肉粥冬菇肉片肠：肠粉口感比较滑，食落唔会觉得好厚粉，肉片比较嫩滑，酱油嘅味道啱好，总体唔错。皮蛋瘦肉粥：粥底比较绵，味道啱好，而且配料嘅分量都唔会好少。…查看更多

呢间pizza hut位于名盛广场5楼，可以系1楼坐观光梯直达。平时唔会太多人，不过一到周末，就经常要等位。pizza可以拣要5要芝心~饼底系厚底，所以有时食到底嘅时候，就冇咁好食~抹茶雪域蛋糕：雪糕蛋糕，雪糕够滑够细腻，带有淡淡嘅抹茶香，好味~总体价格唔算好贵，下午茶套餐比较抵~环境几舒服，位置之间间隔大，坐落唔会觉得逼。服务唔错，都几适合三五知己闲聚~…查看更多

以前，侧田家系广州好似有好几间分店，依家好似都唔多觉。呢间店就位于员村二横路公交站后，绿色嘅门面，有D似天使简约。装修比较高级，店员嘅服务态度唔错，不过糕点嘅售价就有D贵，所以只适合偶然食食。比较中意东洋蛋糕，一条蛋糕条，有DD芝士，食落清香，唔会好甜好腻，适合我口味。…查看更多

位于上下九闹市嘅莲香楼，有着百年历史，系广州嘅老字号之一。中意去莲香楼买一包包嘅莲蓉用嚟包汤丸，因为呢度出品嘅莲蓉够滑。依家嘅莲香楼，楼上可以饮茶食饭，楼下就出售各种饼类，如老婆饼、杏仁饼、鸡仔饼等，并包装成礼盒，用来送礼或者当手信都系一个唔错嘅选择。…查看更多

绿色嘅店面，简约嘅装修风格~店如其名：天使简约每次特别想食芝士蛋糕嘅时候，总会第一时间唸起天使简约——因为呢度有各种各样嘅芝士蛋糕，总有一款啱你心意~最中意焦糖布丁蛋糕，香糯嘅焦糖啫喱表层，中间系嫩滑嘅布丁，再配上湿润嘅蛋糕底，非常好味~芒果芝士蛋糕，芝士蛋糕上面铺满一粒粒嘅新鲜芒果，酸酸甜甜，好正~…查看更多

好耐之前就听过稻香嘅名，不过一直冇机会试。某日睇完网友推荐之后，同爸妈一讲，第二日就一家人去试。之前听人话好难揾位，不过都唔会啊，我地一上去就有位了。坐嘅系有D似卡座嘅位置，头顶D灯照得个人有D热。日式煎饺：好迷你，1、2啖就可以食完，味道不过不失。蛋散：卖相唔错，味道适中，可惜唔够松化。三种糕：具体嘅名唔记得，一碟有3种糕，一碟可以满足唔同人嘅口味。我最爱萝卜糕，味道都算可以，食落唔会觉得好多粉。银萝千层酥：千层酥，名副其实，酥皮可以睇得出一层一层，香酥嘅酥皮配上清爽嘅萝卜丝，好正！虾肠：肠粉唔会太厚，都算滑。虾爽口弹牙，唔错~碗仔翅：有木耳、竹荪等等，味道清爽，唔错~服务态度算唔错，不过感觉好似人手唔够，成日都揾唔到服务员。…查看更多

平时去开星爸爸，某日路过costa嘅时候，比D咖啡香味吸引，就忍唔住买咗杯拿铁试下。拿铁：咖啡香醇，牛奶细腻，口感唔错。同星爸爸一样，糖、奶、纸巾、吸管，都系放系台上，随你自由搭配。不过比星爸爸贵小小，一般要30蚊左右。因为第一次购买，唔清楚大中细嘅差别，服务员嘅态度好好，好耐心咁同我解释，后尾我又问咗好多问题，佢都耐心咁一一解答。环境都几休闲、几舒服，适合三五知己闲聚。…查看更多

应该系动漫星城里边，我去嘅次数最多嘅店吧。因为呢度铺面比较大，座位比较多，比较容易揾位，环境算整洁，服务态度唔错，不过上餐速度慢咗D。果日同朋友行过，见有位，就懒得行，决定系度食。我点咗双焗同低糖绿茶。双焗，一半系咖喱饭，另外一半系芝士焗肉酱意面。咖喱饭比较湿，椰汁太多，抢走咗咖喱嘅味，食落就好似食紧椰汁焗饭；芝士肉酱意面，芝士分量比较少，不过味道算唔错。低糖绿茶，唔会太甜，不过有D涩。…查看更多

因为就系大沙地地铁站出口附近，所以有时会约朋友系呢度聚下~装修以黑色为主打，座位间隔宽敞，坐落几舒服。上次去嘅时候，点咗一份炸猪扒拉面同一杯杨枝甘露。杨枝甘露：套餐换购价12蚊，冰冰凉凉，饮落有淡淡嘅芒果香，柚子唔会涩，唔错~拉面：总体味道非常淡。汤底淡，拉面几乎冇味，配料嘅玉米食落酸酸的，唔推荐！炸猪扒：味道唔错，可惜炸得比较干。总体环境唔错，服务都几好，三五知己偶然聚聚都OK嘅。…查看更多

果日去到大概中午12点，间店岩开门，有4、5个人排队买鸡排。不过当时店里边只有一个人，收钱、炸鸡排、比食物，全部都系果个人一手包办，所以好慢。店面好细，买咗只可以系路边食，冇得坐。要咗一个爆浆鸡排（18蚊），鸡排岩炸好，热辣辣，一直咬，都要咬到比较入嘅位置，先开始有芝士流出黎。鸡排偏咸，不过食得唔多嘅话，就唔会好觉。服务态度都可以嘅，不过因为鸡排都系现点现卖，所以会几慢，需要有一定嘅耐性。…查看更多

朋友比完赛，拉大队过东川路肥婶~好彩book咗位，好多人挖~招牌姜葱鸡：鸡肉几滑，姜葱都几香，味道唔错~肥牛煲：加左D椰菜同辣椒，有D辣，好开胃~因为我都几中意食辣，所以觉得好正啊~不过朋友就唔系太食得辣，话辣咗D喔~牛仔骨：分量都唔少，食落好有牛味，而且够入味，不过我就嫌D肉淋咗D~鼓油王炒面：炒面唔错，唔会太干或者太湿，味道啱啱好~红豆糕：唔知系咪叫呢个名，因为呢个系送的~上嚟嘅时候仲热辣辣，趁热食咗块，都几多红豆嘅，不过食落就一般般咯，D糕唔够弹牙，唔知冻食会唔会好D~价钱都唔算好贵，服务态度都算可以，适合三五知己聚餐。…查看更多

2012年5月27日，偶然路过时尚天河，就俾一间有着特别嘅名字同类似宜家家私装饰风格嘅pizza店吸引——KROY WEN（稞粒吻），源自纽约传统风味的比萨品牌。由于当时新开，于是店家就打出免费请食pizza嘅广告。出于好奇，就睇咗下店里边出售嘅pizza，发现呢度嘅同pizza hut嘅唔同，系薄底的，除此之外，貌似冇乜特别，所以冇乜兴趣。后尾睇咗网友嘅点评同推介，就同朋友结伴去尝试。第一次去，已经系7月8日嘅事。当时点咗一个双人套餐，一共56蚊，有一块片装pizza+一份意面+2杯柠乐。本来系要芝士焗意面，不过当时只有秘密意面，就唯有要秘密意面。芝士pizza，好似叫布鲁克林，pizza底又薄又脆，成个pizza铺满芝士，入口满满嘅芝士香，对于芝士控嘅我，根本系难以抵挡嘅诱惑~呢个系一个意外嘅惊喜。因为当时只有呢样，出于无奈唯有选择佢。意面嚟嘅时候，睇落冇乜特别，就系沙律+意面。沙律系用醋嚟拌，所以食落酸酸地，好开胃。上面撒咗D芝士粉，混埋一齐食，酸中有D芝士香，而且非常清爽，同布鲁克林意外嘅夹（因为布鲁克林系纯芝士，食多会觉得有D腻）。广州嘅夏天非常闷热，秘密意面绝对可以刺激食欲。柠乐，就系柠檬+可乐，冇乜特别。之后去咗几次，都系点56蚊套餐。上星期再去嘅时候，发现好似升价了，56蚊嘅套餐冇咗，取而代之嘅系65蚊嘅9寸pizza套餐，1份9寸pizza+1份稞粒吻沙律+2杯柠乐。甜心pizza：四周系酥皮，中间放了D水果，酥酥甜甜，整体口感比较甜，唔系太中意，不过酥皮pizza几得意。加点嘅薯角，35蚊一份，全部都系用薯仔整嘅。右上角嘅薯饼，食落同麦当当嘅有D似，香酥脆；左上角嘅，食落有D甜，软软的，唔系咁中意；下边圆形的，有DD辣，非常香脆，呢个一定要尽快食，因为放耐咗会淋。店里边有洗手池供客人洗手。PS，呢度嘅服务态度很好，因此用餐过程会非常愉快~…查看更多

东海堂系广州有好多分店，几乎地铁沿线都有，所以都几常帮衬~同其他地铁站分店差唔多，呢间东海堂都系好细~面包蛋糕嘅种类都唔系太多~早餐我中意食炸鸡包~三角形嘅包，中间有D鸡肉，咸咸地，几香哇~最中意东海堂嘅梳乎厘芝士蛋糕，松松软软，带有淡淡嘅芝士香~朱古力瑞士蛋卷都好好味，中间有D啫喱，食落软软糯糯，好得意~不过东海堂总体嚟讲，价格有D贵~…查看更多

这间店虽然在大沙东公交站附近，但是不太好找，因为不是在路面，要稍微往巷子里面去才能看到。铺面挺大的，货物架和货物架之间的间距比较大，逛起来不会觉得很拥挤。零食的种类比较多比较全，价格比一般的超市便宜。而且因为有许多进口的零食，因此来光顾的人还是比较多~…查看更多