天津包子铺

呢间好特别噶系餐厅门口挂住只生勾勾几大只噶鹦鹉，而且仲食得讲"欢迎光临”添，几得意！话系包子铺，其实系饭馆来噶，而且都系北方菜为主噶。同事系北方人话呢间做的比较正宗，系广州难得比较正宗噶北方菜馆之一咁话。
食咗牛肉包，酱鸭架，猪肉土豆炖粉条，拌茼蒿。牛肉包18蚊8只，感觉肉馅噶味道唔多习惯，冇广式噶鲜甜，好似除咗咸味仲系咸味，而且面噶部分多，肉馅比较少，虽然话都算大只，但味道唔多掂。酱鸭架同样偏咸，而且乌卒卒好难睇，炖粉条如果味道鲜D会好食好多，个粉好食，比较粗，几有嚼头，猪肉系五花肉炖得都几林。
咁噶口味觉得仲系唔多中意，不过胜在样样都好大份量。