影片
以上资料只供参考，请与餐厅确认详情
招牌菜
由于好朋友喺佛山有个展览，所以我们约埋一班朋友一齐去捧场，而我们就比较早到先，所以好朋友就带咗我们去呢间喺祖庙路岭南天地嘅「吴系茶餐厅」食中午饭！一开始谂紧叫咩嚟食𠮶阵发现，他们嘅款式种类真系超多，有粥、饭、小炒等等等等⋯⋯而我们就叫咗菠萝包，一上碟𠮶阵店员系将菠萝包切成四件，可能呢个系较早少少嘅时间已经预备好，所以食落包质系比较干身同唔算好软熟！而冰镇菠萝油就完全唔同，因呢个菠萝包系新鲜热辣出炉，所以包质非常软熟，顶层嘅菠萝皮相当香甜松脆，热辣辣嘅包，中间夹著块厚厚兼冰冻嘅牛油一齐食，食落外热内冷，感觉真系超正呀，所以我们就叫多两个嚟食，而且他们仲会摆放埋胶手套畀人客戴著嚟食，真系相当贴心兼卫生呀！窝蛋免治牛肉饭系本人小时候最钟意食嘅，但而家喺香港都无乜边间茶餐厅会有得食，所以喺呢度见到有，当然要即刻叫嚟食啦，结果嚟到之后都无令我们失望，除咗唔系用青豆之外，基本上食落嘅味道，完全系童年𠮶阵嘅味道，呢点系令本人觉得非常满足，所以就食到一粒饭都无净！艇仔粥嘅粥底煲得都几绵，材料亦好足料丰富，至于牛肉碎牛肉，而系用鲜牛肉片，食落肉质好鲜嫩，猪皮亦好爽口弹牙！干烧伊面除咗唔系好干身，感觉比较油腻之外，大至上都不过不失！滑蛋叉烧虾仁嘅蛋炒到啱啱好兼仲有啲蛋浆，虾仁亦好爽脆弹牙，至于叉烧就系最要赞嘅，因他们并唔系用啲隔咗夜兼好「硬实实」𠮶啲，而系用新鲜松软兼好蜜汁嘅，真系赞得一赞呀！香蒜炒芥兰嘅芥兰好爽脆幼嫩同无根，食落有好芳香嘅香蒜味！鲜茄牛肉通心粉嘅鲜茄汤底虽然味道唔系好浓郁，但胜在牛肉嘅份量比较多，而通心粉亦好烟韧弹牙！
继续阅读