呢次嘅团购餐，大部分嘅斋菜都系以菇类为主， 味道一般般吧， 唔算太出彩！最关键嘅一个地方就系d嘢食好似系预先整定晒咁， 叫上菜就加翻热比你食咁，所以食唔出新鲜嘅感觉（纵使捧上来系热气腾腾...）!而且完成唔按顺序上菜， 个汤竟然系最后先送上黎....超级唔中意咯！
逐一点评下：
南瓜素翅羹——南瓜羹的确非常浓稠， 但唔系南瓜本身d量多， 而系落左好多粉！而且虽然系差唔多最后先上， 但一d都唔热！完全无新鲜滚热辣嘅感觉， 味道亦都唔系我所期待嘅咁好味咯~
紫菜手卷——造型唔错， 仲有个“托”托住，卖相当然无图片咁精致， 里面只有一条红萝卜同青瓜， 仲有d好似肉松嘅物体， 加上沙律酱， 味道还ok！
罗汉斋——菇类为准， 味道还ok啦， 不过d白果好生， 仲系青绿色嘅， 好苦， 唔食得嘅！
金菇牛柳煲——味道同罗汉斋差唔多， 只系金针菇代替左其他杂菌， 牛柳做得唔似， 就系普通嘅豆腐皮切成一条条！
佛法无边——这个是上汤的斋菜，跟山东老家的一桶江山差唔多， 汤几鲜甜， 系奶白色嘅！！呢个唔错！但就体会唔到个菜名嘅意境咯~~
果仁菠菜——果仁其实就只有炒花生， 几新鲜， 几脆口！ 菠菜系用陈醋捞过噶， 其实味道都几特别！其实应该就系老陈醋腌花生， 再捞落d菠菜度， 不过花生就吸唔到d陈醋味咯~~ 如果受唔住陈醋味嘅话，呢个菜就要报废咯~~
一品麦香包——包上黎嘅时候又系冻晒噶啦 不过仲几软， 味道亦都唔会太甜， 如果系热嘅就唔错啦！
苦荞茶——其实唔知系咩黎嘅， d茶系黄黄地色， 有d清香， 估计都系清热类嘅茶饮，味道还好！
纸巾——呢个要问服务员先有噶！所以大家去消费时记得睇清楚条款， 唔好白白俾商家有可趁之机！
由于呢个套餐系唔提供白饭嘅， 所以我地点左2个白饭！！真系非常后悔！因为d饭佢系一早装好系个钵度， 求其用只碟盖住， 咁嘅天气， 一早就冻晒啦！所以d饭又冻又硬！！！非常难以下咽！！！ 埋单仲要发现要5蚊一碗， 真系坑爹到爆！ 综合里讲， 呢个团购只能勉强合格....
