立村日本料理 (已結業)

去开珠江新城既高德置地血拼，血拼完本身林住带两个F去试森田既，点知一入门口见到珠江新城依间分店咁细咁逼，同广粤果间差太远，而且仲要等位，于是果断走人，见到隔离间立村望上去还可以，于是就入去试下啦~！
环境方面，的确几唔错，可惜我地坐系出面，睇唔到入面既环境，入面应该全部都系包间，唔知有无最低消费呢~！
食物方面，食材新鲜，价钱小贵，所以我地3个都唔敢点太多贵野~！
餐前每位送佐一份南瓜茸~！味道好好，上面有几条菜，唔知系咩黎既，不过搭配南瓜茸一齐食好好味~！
三文鱼刺身，厚切新鲜肥美，可惜无鱼腩啦，我个人中意食鱼腩多D~！
加州卷正啊，全晚最中意依个，一个人食佐4个，哈哈~！入面有三文鱼、鸡蛋、外加出面既三文鱼籽口感好好！~
北海道烧饼都唔错，鱿鱼土豆三文鱼芝士配搭得好好，而且好顶肚~！
蛋包饭，虽然望上去好普通，但系味道唔错，酸酸甜甜好开胃~！
成餐饭都点佐好多抵食大件好饱肚既野，所以埋单都唔贵~！但系最崩溃既系埋单先知原来可以全都6.8折，3个人都瞬间崩溃，早知叫多一份刺身啦~！！~！555555