石磨老爹

地点虽然唔响闹市，但次次去都鬼咁多人，下昼2点几都要等位添，认真有D离谱啊，旺到飞起！
环境都几粤式，有D古色古香噶FEEL。
每次必点项：
生滚鱼片粥几中意，粥几浓稠，加咗姜丝和葱花萝卜碎D嘢，粥除咗鲜一D腥味都冇。流沙包，趁热食几香口，中间馅料几足，陈皮牛肉肠，加咗陈皮显得同周街噶牛肉肠就系唔同晒，粉够滑。
粉面之外，最中意噶就系杏仁芝麻糊啦，都系呢间甜点中最抵食噶，个人认为！7蚊一碗，芝麻糊冇花冇假，香浓绵滑！
如果唔系附近街坊，果笪地去到有D难搵噶，横街窄巷噶感觉，不过记住市一医院果个标志性地标就实冇错啦。去食噶话建议都系错开食饭正点时间，如果唔系真系等位等到傻噶！