价钱~睇你点睇！15蚊5个钟，罩眼睇真系好抵……不过如果两个人去唱，10开房费，都要20一个人~如果吃埋自助餐就35蚊一个人~ 咁夜晚就仲贵啦~
不过5个钟的确几吸引~因为平时果d3个钟，有少少唔嗲唔吊咁……吃得野黎又唔够时间唱咁~
不过一分钱，一分货……距嘅硬件软件真系好差劲！！！
环境，超旧，门面仲好d，一入到去就真系惊惊地~隔音效果好差！栋门又识自己关……装修啊~沙发啊~明显系好残嘅，但由于距嘅灯光好暗，所以都可以得过且过嘅~不过厕所相对黎讲就几好啵~
K歌~音效方面都ok嘅~不过就超级旧咯！！如果想去怀旧下以前嘅歌就岩晒啦！
点歌机就劲唔掂当！有重影，感应又唔好~~墙壁嘅按钮系唔得嘅！
服务：唔中意~完全感觉五岛俾人服务紧……一去book房，个前台小姐就好不爽，虽然间K房唔系你开，唔系俾钱你赚，不过假假抵我地都系客吖~咁嘅服务态度点得架！！系房入面更唔使讲咩服务啦，冇人执餐具不得止！仲要成日系门口“装装”下~唔系好明距惊我地会做咩咯……
食物：真系弊，如果有下次，一定唔会再吃距嘅自助餐，提前自己吃d野先~
餐区好黑暗，黑到唔系好睇得清有咩吃~（不过其实有怀疑过，就系距会唔会开自助餐，咁少人帮衬）总体黎讲冇咩值得吃嘅~有个好似系火锅嘅区域，不过好似冇人系度看嘅，难道要自己DIY？？
仲有系距嘅电话唔知点解打唔通嘅，然后系深刻体验到呢间加州红同4店果个加州红系唔同的~~
如果俾我去第二次，距嘅原因将系：20蚊5个钟！交通方便！算系最近屋企嘅！
如果纯粹为练下歌，唔想吃野，唔介意距嘅环境同埋新歌问题，都可以试试嘅~
