亚洲国际大酒店亚洲殿 (已結業)

去到噶时候已经下昼两点半了，食完午餐噶一早走晒啦，所以全场就得我地两个人客，等于包场，环境真系靓到爆，俾人如置身高档别墅用餐噶感觉。
食噶系68蚊噶商务套餐，套餐一个主食，一个甜点，一杯柠茶。
主食两个都点噶系焗龙利柳及猪扒饭，好大一盘啊，D猪扒都几大块，肉几入味，龙利鱼柳同芝士响表面，焗到好香，味道都唔错~~~
甜点系芒果布丁，等差唔多食完饭上噶，造型好靓，应该系雪柜入边摞出来噶，因为个盘都系冻冰冰噶~~
距噶服务冇得弹，一路都有服务员响附近，而且上菜系睇住用餐程序上噶，从柠茶到主食到甜点，唔愧系五星级酒店噶态度同出品。