腾元生煎

营业中

休息中

上年去上海玩果时见识并食过正宗噶生煎包，而且响果边食到噶最低只要5毫纸一只，听群友话广州都有咗呢间正宗噶上海生煎包，梗系要去试下啦，下昼1点几去到，地点响西华路南海中学斜对面，排队噶人几多下噶，出品速度比较慢系导致人多排队噶重要原因，事关D生煎系现包现煎噶，而且店员人手好似唔多够，等咗半粒钟先轮到我。感到意外噶系原价2蚊一只噶生煎包仲有折打噶，不过下打完折都要个半银钱一只噶。只包大细同小笼汤包咁上下，算得上系皮薄肉大，形象D来讲就系一个面皮包住个肉丸，汤汁好多，但鲜甜味唔够，同上海果边噶味道差咗唔少。 排队果时听人讲嘢，唔少人都系听传闻来噶，睇来想响广州食正宗噶生煎包的确系几难啊。间铺细冇几张台，除咗收钱有人，其他都靠自己。