夏宫中餐厅

呢间五星级餐厅真系好贵啊，茶味都13，仲要加收15%既服务费，真系好高级，当然环境都好正啊，唔会嘈，灯饰都好华丽丽。
虾饺，皮薄馅靓，虾饺皮好糯既口感，虾肉好弹牙爽口，中有少少笋，同猪肉，有肉汁会流出，鲜味更加提升。
凤爪，焗得好软，豉油好入味。
红米肠，外面既红糯米颜色唔会太深，色素应该无点添加，而且炸得好香脆，里面既虾肉好爽口。
蒸排骨，呢度唔系用芋头垫底既，而系用柚皮垫底，柚皮好霖，所晒排骨肉味，味道唔错。