因为实在饿到低血糖，都无认真睇菜牌，印象中 大椰丰饭 系食海南菜既，就求其点左个招牌文昌鸡，可能时间都比较晚，过左十分钟左右啦就有得食了，不过我一上台就挂住食，都唔记得影相，唯有最尾影左门口套餐既广告，大家唔好介意。
貌似文昌鸡颇为出名，仲罗过奖添，鸡肉几靓，够嫩滑又唔肥，特别系d皮都唔会有太多皮下脂肪，连我呢d平时唔食鸡皮既人都食到干干净净，同埋特制既酱汁又几得意，我觉得比我上次系海南岛食既仲要好食，不过就系贵左dd，间唔中或者庆祝都可以食下既。
食完先有力气睇下菜牌，貌似东山羊都系招牌，不过唯有下次先可以试下了，唔知道下次系几时呢……
