大禾寿司(流行前线二店)

大禾，次次过去霖住吃特价寿司都系见到一条人龙，无论系以前既五折定系依家既6.8折都系咁多人，不过距地既寿司可以话系全广州最正既，虽然系贵左小小，不过用料绝对新鲜，就真系一分钱一分货。最锺意距系既三文鱼寿司，块三文鱼大大件咁，又厚肉又肥美，吃落口果种满足感真系难以形容。而且距地做寿司既饭都整得好好，软硬适中，D醋落得岩岩好，唔会太抢味，同其他寿司店相比，特别出色。味付八爪鱼，唔单止味道好，D八爪鱼仲好爽口，必点。