影片
更多
2016-04-05
232 浏览
復活節兩天美食團，可惜遇著大塞車，去到花都都下午兩點半，食完午餐唔夠一個鐘，又要趕去酒店食英式下午茶，去到酒店領隊先帶我哋入地下餐廳，餐廳西式風格，不過燈光好暗，唔捨得開燈！餐廳熱盤區無開，只開甜品區做下午茶（個好像中幅射嘅小黃人好破壞氣氛），剛剛到達有幾團人到達，蛋糕攞晒，大家好怕唔會再添補（領隊有嚇我哋）水果、炸點都大攞一餐，好在之後酒店好快補充！根本唔使心急！其實英式下午茶，蛋糕只有3款，水果3款，炸點兩款，飲品任飲，果汁兩款，咖啡同紅茶！任食無限補充！蛋糕：只係普通四方切餅，一啲都唔精緻，好在蛋糕鬆軟，忌廉幾滑，不過除了面頭嘅水果唔同味之外！味道無乜分別！蜜桃蛋糕質地較厚重，反而蛋榚味仲濃！炸點：黑椒薯角：薯角唔脆，好在上面灑嘅黑椒好香辣！好夾薯仔嘅味道！春卷：香脆，略油膩，入面嘅餡料煙韌，外脆內軟，不過無喼汁或泰式醬汁就失色啲！水果：有西瓜及火龍果及橙，味道正常！飲品：紅茶：比較淡，無奶相配！蘋果汁：肥髀飲，顏色及味道極淡，唔知係國內嘅蘋果汁係咁樣定係溝浠了！店員有禮斯文！對小朋友都好包容！呢個英式下午茶得啖笑，只係選擇極少嘅甜品自助餐！
復活節兩天美食團，可惜遇著大塞車，去到花都都下午兩點半，食完午餐唔夠一個鐘，又要趕去酒店食英式下午茶，去到酒店領隊先帶我哋入地下餐廳，餐廳西式風格，不過燈光好暗，唔捨得開燈！
餐廳熱盤區無開，只開甜品區做下午茶（個好像中幅射嘅小黃人好破壞氣氛），剛剛到達有幾團人到達，蛋糕攞晒，大家好怕唔會再添補（領隊有嚇我哋）水果、炸點都大攞一餐，好在之後酒店好快補充！根本唔使心急！
其實英式下午茶，蛋糕只有3款，水果3款，炸點兩款，飲品任飲，果汁兩款，咖啡同紅茶！任食無限補充！
蛋糕：只係普通四方切餅，一啲都唔精緻，好在蛋糕鬆軟，忌廉幾滑，不過除了面頭嘅水果唔同味之外！味道無乜分別！蜜桃蛋糕質地較厚重，反而蛋榚味仲濃！炸點：
黑椒薯角：薯角唔脆，好在上面灑嘅黑椒好香辣！好夾薯仔嘅味道！
春卷：香脆，略油膩，入面嘅餡料煙韌，外脆內軟，不過無喼汁或泰式醬汁就失色啲！水果：有西瓜及火龍果及橙，味道正常！
飲品：
紅茶：比較淡，無奶相配！
蘋果汁：肥髀飲，顏色及味道極淡，唔知係國內嘅蘋果汁係咁樣定係溝浠了！
店員有禮斯文！對小朋友都好包容！
呢個英式下午茶得啖笑，只係選擇極少嘅甜品自助餐！
张贴
